Pakul viciebski aktyvist adbyvaŭ 20-sutačny aryšt, milicyjanty pradali jaho telefon
Aktyvist Barys Chamajda byŭ zatrymany ŭ Viciebsku 15 sakavika. Učora jon vyjšaŭ na volu paśla 20-sutačnaha aryštu. Zatrymali jaho na miescy, dzie jon zvyčajna raspaŭsiudžvaje biełaruskuju litaraturu, a asudzili za «niesankcyjanavanaje pikietavańnie», piša »Viciebskaja viasna».
«Ja stajaŭ na zvyčajnym miescy, padjechaŭ padpałkoŭnik milicejski, proźvišča ja ŭ jaho nie spytaŭ. Jon pačaŭ razhladać, z čym ja staju. Ubačyŭ knižki, stolik, a ŭ mianie tam užo niekalki hadoŭ jak była načeplenaja žoŭta-błakitnaja stužka. Dahetul nikomu spravy nie było, i raptam jon zaŭvažyŭ. I kaža: «Ja vas prašu, zdymicie hetuju stužku!» Ja admoviŭsia, skazaŭšy, što ŭ hety momant va Ukrainie pad abstrełami hinuć dzieci, žančyny, idzie zachopnickaja vajna, i tamu ničoha zdymać nie budu».
Barysa zatrymali, kali jon źbiraŭsia ŭžo sychodzić. U RUUSie ŭ zaplečniku aktyvista znajšli BČB-stužku, a taksama dźvie našyŭki z ukrainskaj simvolikaj. U vyniku ŭ pratakole pa art. 24.23 KaAP milicyjanty napisali, što Barys pikietavaŭ dźviuma stužkami: bieła-čyrvona-biełaj i błakitna-žoŭtaj.
Na nastupny dzień viciebskaja sudździa Alena Cyhankova aryštavała Barysa na 20 sutak.
Padčas aryštu Barys siadzieŭ ź biełarusami, jakija vykazalisia suprać vajny va Ukrainie:
«Pa maich padlikach, u izalatary ŭ adzin čas sa mnoj za «palityku» siadzieli jašče 9 čałaviek. Proźviščy ja nazyvać nie budu, zhadaju chiba niekalki prykładaŭ.
Siadzieli tam dvoje žycharoŭ Minska, jakija pryjechali ŭ Połack, kab pahladzieć horad. A tut pačałasia vajna, i jany vyjšli da hatela «Dźvina» z płakatam «Nie — vajnie», im dali pa 30 sutak.
Siadzieŭ razam z rasonskim chłopcam, jamu, jak i mnie, prysudzili 20 sutak — za toje, što napisaŭ zvarot u rajvykankam suprać vajny. Jašče byŭ chłopiec ź Viciebska, jaki napisaŭ antyvajenny vierš i raźmiaściŭ u sacyjalnych sietkach. Jamu prysudzili 12, zdajecca, sutak. Z Navapołacka mužčynu asudzili na 30 sutak za toje, što padčas refierendumu nibyta pravioŭ pikiet».
Paśla vychadu ź izalatara aktyvista pavieźli na prafiłaktyčnuju hutarku i papiaredzili, što kali jaho zatrymajuć u treci raz pa administracyjnym artykule, to raspačnuć kryminalnuju spravu.
Knopačny telefon, jaki sudździa pastanaviła viarnuć Barysu paśla aryštu, milicyjanty pradali za 15 rubloŭ jašče da jaho vyzvaleńnia, a hetyja hrošy, pa ich słovach, pajšli na apłatu minułych štrafaŭ.
Taksama Chamajda raspavioŭ, što pakul jon byŭ u izalatary, milicyjanty biez dazvołu zarehistravali jaho ŭ Telegram.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary