Hrodzienku Alesiu Rudnik uznaharodzili premijaj «Jeŭrapiejec hoda 2022». Jana atrymała za baraćbu za demakratyju ŭ Biełarusi i Uschodniaj Jeŭropie. Pra heta paviedamiŭ Šviedski jeŭrapiejski ruch (Svenska Europarörelsen). Raniej hetuju premiju atrymlivali viadomyja šviedskija palityki, jak Karł Bild abo Marhot Valstrom ci aktyvisty, jak, naprykład, suśvietna viadomaja Hreta Tunbierh.
Premiju «Jeŭrapiejec hoda» zasnavaŭ u 1995 hodzie Šviedski jeŭrapiejski ruch. Jaje ŭručajuć asobam, jakija majuć stałyja suviazi sa Šviecyjaj i jakija ŭnieśli ŭkład u raźvićcio supracoŭnictva pamiž narodami Jeŭropy dla ŭmacavańnia miru i svabody, kulturnaha ŭzajemarazumieńnia i sacyjalnaj zhurtavanaści.
Alesia Rudnik — byłaja staršynia arhanizacyi hramadskaj supołki «Biełarusy Šviecyi», jakaja vystupaje za demakratyčnuju Biełaruś. Daktarantka Karlstadskaha ŭniviersiteta, daśledčyca Centra novych idej. Daśleduje ličbavuju palityku ŭ aŭtakratyjach i jaje ŭpłyŭ na demakratyzacyju, uklučajučy mabilizacyju praz sacyjalnyja sietki.
Sama Alesia ŭ kamientary dla vydańnia hrodna.life adznačyła, što nie adčuvaje hetuju ŭznaharodu svajoj. Jana ličyć, što jana ahulnaja i naležyć biełarusam Šviecyi, biełaruskim dyjasparam śvietu i biełarusam, jakija zmahajucca za demakratyju.
«U taki čas asabliva hanarova atrymać uznaharodu, bo mienavita zaraz važna, kab mižnarodnaja supolnaść zaŭvažała dziejnaść biełarusaŭ, adroznuju ad dziejnaści ŭładaŭ. Mienavita zaraz varta padkreślivać roźnicu ŭładaŭ i biełarusaŭ», — skazała Alesia.
Padobnaja arhumientacyja, darečy, i ŭ tych, chto premiju prysudžaŭ. «Žury sioletniaj premii žadaje vyłučyć usich, chto zmahajecca za demakratyčnuju Biełaruś. Asabliva heta aktualna ŭ toj čas, kali kraina časta asacyjujecca z vajnoj Rasii suprać Ukrainy. My spadziajemsia, što ŭśviedamleńnie tvorčaści Alesi i biełaruskaj dyjaspary moža stvaryć bolš nadziei i pryznańnia dla ŭsich, chto pracuje na karyść volnaj i demakratyčnaj Biełarusi», — napisana na staroncy arhanizacyi Europarörelsen.
Łaŭreatka nie viedaje, kolki kandydataŭ pretendavali na ŭznaharodu. Heta nie publičnaja infarmacyja.
«Viedaju tolki, što naminacyi źbirali z 3 lutaha pa 6 sakavika. Nie viedaju dahetul, chto mienavita mianie naminavaŭ, bo žury hetuju infarmacyju nie raskryła. Ale viedaju, što naminacyi na mianie pryjšli ad niekalkich ludziej», — raspaviała Rudnik.
Cyrymonija ŭznaharodžańnia adbudziecca 9 traŭnia 2022 hoda.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary