Ci pahražaje biełarusam rašeńnie ZŠA ab admovie ŭ nadavańni prytułku? Patłumačyli ŭ Ofisie Cichanoŭskaj
U Ofisie Śviatłany Cichanoŭskaj zajavili, što rašeńnie Viarchoŭnaha suda ZŠA adnosna prahramy Temporary Protected Status (TPS) pakul nie zakranaje niepasredna hramadzian Biełarusi, piša Reform.news.
Daradca Ofisa Śviatłany Cichanoŭskaj Leanid Marozaŭ adznačyŭ, što ŭ infarmacyjnaj prastory źjavilisia paviedamleńni, jakija mohuć stvaryć pamyłkovaje ŭražańnie, nibyta rašeńnie amierykanskaha Viarchoŭnaha suda tyčycca ŭsich zamiežnikaŭ, jakija karystajucca časovaj abaronaj, u tym liku biełarusaŭ. Pavodle jaho słoŭ, heta nie adpaviadaje rečaisnaści.
Jon rastłumačyŭ, što rašeńnie suda tyčycca mienavita prahramy TPS — miechanizmu časovaj humanitarnaj abarony, jaki dajecca tolki hramadzianam krain, uklučanych Ministerstvam unutranaj biaśpieki ZŠA ŭ adpaviedny pieralik. Biełaruś nikoli nie ŭvachodziła ŭ hety śpis, a ciapierašniaje rašeńnie tyčycca hramadzian Haici i Siryi.
Marozaŭ taksama padkreśliŭ, što TPS nie źjaŭlajecca ni statusam biežanca, ni palityčnym prytułkam. Heta asobny miechanizm časovaj abarony, jaki moža być padoŭžany abo skasavany rašeńniem amierykanskich uładaŭ u zaležnaści ad abstavin.
U Ofisie Śviatłany Cichanoŭskaj adznačyli, što, choć u ZŠA sapraŭdy nazirajecca tendencyja da ŭzmacnieńnia mihracyjnaj palityki, pakul niama padstaŭ śćviardžać, što hetyja źmieny aŭtamatyčna paŭpłyvajuć na biełarusaŭ abo pryviaduć da pierahladu ich pravavoha statusu.
«Na siońniašni dzień rašeńnie nie źmiaščaje vysnoŭ, jakija niepasredna zakranajuć hramadzian Biełarusi. My praciahvajem uvažliva sačyć za raźvićciom amierykanskaj sudovaj praktyki i, kali źjaviacca rašeńni, što mohuć niepasredna paŭpłyvać na biełarusaŭ, abaviazkova prainfarmujem pra heta asobna», — zajaviŭ Leanid Marozaŭ.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?14
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
NN, siarod biełarusaŭ u ZŠA jość prafiesijanały-advakaty ŭ halinie immihracyjnaha prava. Źviarniciesia da adnaho ź ich pa kampietentny kamientar!