U jaho bijahrafii — dźvie cikavostki ŭ 1970-ch: Vyšejšyja kursy KDB SSSR u Minsku i vyvučeńnie anhlijskaj movy ŭ škole svabodnych mastactvaŭ Ilinhskaha kaledža ŭ Łondanie.
Pamior były ministr abarony Siarhiej Ivanoŭ, jamu było 73 hady. Pra jaho śmierć paviedamiła pres-słužba baskietbolnaj Adzinaj Lihi, dzie jon byŭ hanarovym prezidentam, a taksama staršynioj Rady dyrektaraŭ baskietbolnaha CSKA.
Siarhiej Ivanoŭ naradziŭsia ŭ Leninhradzie 31 studzienia 1953 hoda. Jon skončyŭ pierakładčycki fakultet Leninhradskaha ŭniviersiteta i vajskovuju kafiedru pry im.
U 1975 hodzie byŭ pryniaty na słužbu ŭ KDB i praz hod skončyŭ Vyšejšyja kursy KDB u Minsku (siońnia — Akademija nacyjanalnaj biaśpieki).
Taksama ŭ 1970‑ia byŭ adpraŭleny ŭ Łondan vyvučać anhlijskuju movu ŭ Škole svabodnych mastactvaŭ Ilinhskaha kaledža ŭ Łondanie.
U 1976—1977 hadach — supracoŭnik 1‑ha adździeła Upraŭleńnia KDB pa Leninhradzie i Leninhradskaj vobłaści, dzie pracavaŭ u adnym padraździaleńni razam z Uładzimiram Pucinym. Pracavaŭ da 1985 hoda ŭ rezidentury ŭ Finlandyi, a zatym u Kienii (kudy, pavodle ŭłasnych słoŭ, byŭ pieraviedzieny z-za svajho vykryćcia ŭ Jeŭropie Aleham Hardzijeŭskim).
U 1991—1998 hadach praciahvaŭ pracavać u Słužbie źniešniaj raźviedki Rasii. Byŭ namieśnikam dyrektara FSB, sakratarom Rady biaśpieki.
Ministram abarony Rasii byŭ u 2001—2007 hadach, całkam viehietaryjanskich jak na siońnia.
U 2007—2008 — pieršy vice-premjer urada RF, u 2011—2016 kiravaŭ Administracyjaj prezidenta Rasii. Apošniaja pasada — śpiecyjalny pradstaŭnik prezidenta Rasijskaj Fiederacyi pa pytańniach pryrodaachoŭnaj dziejnaści, ekałohii i transpartu (2016-2026).
Jaho i Dźmitryja Miadźviedzieva ličyli asnoŭnymi kandydatami na pasadu časovaha pierajemnika dla Uładzimira Pucina ŭ 2008 hodzie.
Pucin zrabiŭ staŭku na Miadźviedzieva, jakoha ŭ toj čas ličyli značna bolš libieralnym za kankurentaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
[Zredahavana]
[Zredahavana]