U MTS źmieniacca słohan i elemienty firmovaha stylu. Zaŭtra budzie 24 hady, jak kampanija pracuje na biełaruskim rynku.
«27 červienia MTS spaŭniajecca 24 hady. Amal čverć stahodździa pracy na rynku dakazvajuć: technałohii isnujuć, kab słužyć ludziam i raskryvać čałaviečy patencyjał. Siońnia kampanija robić nastupny krok, pradstaŭlajučy abnoŭleny brend. Heta adkaz na śviet, jaki źmianiŭsia, dzie ličbavyja rašeńni pranikajuć u kožny aśpiekt žyćcia. My ŭžo daŭno vyjšli za ramki «apieratara suviazi» i imkniomsia być architektarami novych mahčymaściej, dapamahajučy ludziam i biźniesu stavić ambicyjnyja mety i dasiahać ich. Jak i raniej, naša hałoŭnaja kaštoŭnaść — heta klijenty, dla jakich my nabližajem budučyniu kožny dzień», — skazaŭ hienieralny dyrektar kampanii MTS Uładzimir Kozyr.
MTS prezientavaŭ taksama novy słohan «Nabližajučy budučyniu».
Jon zasnavany na pieraasensavanaj misii kampanii: «My pieratvarajem technałohii ŭ pradukty, z dapamohaj jakich ludzi i kampanii mohuć dasiahnuć bolšaha», — paviedamlaje pres-słužba.
Hetuju ideju padtrymlivajuć šeść klučavych kaštoŭnaściej: adkrytaść, lidarstva, nadziejnaść, navatarstva, kampietentnaść, natchnieńnie.
Kampanija abnaŭlaje ajdentyku, robiačy jaje bolš sučasnaj i dynamičnaj. 27 červienia lehiendarnamu simvału ŭ vyhladzie «jajka» spaŭniajecca roŭna 20 hadoŭ na biełaruskim rynku — jon zastajecca.
Hałoŭnym elemientam vizualnaha stylu stanovicca haryzantalnaja adaptyŭnaja pałasa, u jakuju intehrujecca bieły łahatyp MTS.
Taksama brend atrymaŭ novaje adcieńnie čyrvonaha — MTS Bright Red: bolš nasyčany i čysty ton ź lohkim uchiłam u chałodny śpiektr, jaki stvaraje adčuvańnie dynamiki i enierhii.
Vizualnyja źmieny buduć adbyvacca pastupova. U pieršuju čarhu novaja ajdentyka źjavicca ŭ ličbavych kanałach i rekłamnych kamunikacyjach MTS. U afłajn-prastory novy styl budzie ŭkaraniacca pa miery naturalnaha abnaŭleńnia sałonaŭ suviazi.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary
Niekalki hod išli pieramovy, patentnyja vojny i sudy. Pa vyniku Viarchoŭny Sud Respubliki Biełaruś staŭ na bok MTS.
Riazanaŭ viadomy vydatny paet, miascovaja aŭdytoryja pavinna viedać.
Markaviec pamior u 2013-m, Riazanaŭ u 2021-m. U MTS usio dobra.
Z presrelizu MTS: "27 ijunia lehiendarnomu simvołu v formie «jajca» ispołniajetsia rovno 20 let na biełorusskom rynkie — on ostajetsia."