«Ukrpošta» prezientavała novuju marku ź sieryi pra ruski vajskovy karabiel
«Ukrpošta» pradstaviła novuju paštovuju marku ź sieryi «Ruski vajskovy karabiel». Jaje pryśviacili zatapleńniu ŭkrainskimi bajcami fłahmana Čarnamorskaha fłotu, krejsiera «Maskva».
Na novaj marcy dadaduć słova «DONE», jakoje źjaŭlajecca adsyłkaj da patoplenaha ruskaha krejsiera «Maskva». Pra heta paviedamiŭ kiraŭnik «Ukrpošty» Ihar Śmialanski.
Pavodle jaho słoŭ, praviły vypusku marak «Ukrpošty» nie dazvalali dadrukoŭvać tuju marku, jak była ŭ pieršym «vydańni».
«Ale my nie mahli nie pajści nasustrač pažadańniam miljonaŭ ludziej. Tamu siońnia my anansujem vypusk druhoj marki hetaj sieryi — «Russkij vojeńnij korabl.. VŚO» abo «Russian Warship … DONE» — paviedamiŭ Śmialanski.
Nakład marki składzie 5 miljonaŭ asobnikaŭ, a kanvierta — 1 miljon.
Pieršy nakład hetaj marki ŭ miljon asobnikaŭ całkam pradaŭsia za niekalki dzion. Hetamu paspryjała siarod inšaha i toje, što vychad marki ŭ prodaž faktyčna supaŭ z zatapleńniem krejsiera «Maskva», jaki na joj vyjaŭleny.
Čytajcie taksama:
Na kijeŭskim Hałoŭpaštamcie vystraiłasia vialikaja čarha pa marku z rasijskim vajskovym karablom FOTAFAKT
Ukrainskaja pošta vyznačyłasia, jak budzie vyhladać marka «Ruski karabiel, idzi ***!»
Ciapier čytajuć
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin2
Što ludzi kažuć ab prajeździe praz «Bruzhi» i «Bierastavicu» i čamu ŭ apošniaj stajać pa 12 hadzin
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»1414
Kamientary