Pra śmierć hałoŭnaha pazaštatnaha dziciačaha niefrołaha Ministerstva achovy zdaroŭja, akademika Nacyjanalnaj akademii navuk Biełarusi Alaksandra Sukały stała viadoma ŭčora.
Akademik byŭ adnym z arhanizataraŭ Centra dziciačaha hiemadyjalizu, navukovym kiraŭnikom Respublikanskaha centra dziciačaj niefrałohii i nyračnaj zamiaščalnaj terapii. Dziakujučy jaho daśledavańniam, u Biełarusi byŭ ukaraniony mietad niefrabijapsii ŭ dziciačaj niefrałohii. A vykarystańnie sučasnych vysokatechnałahičnych mietodyk nyračnaj zamiaščalnaj terapii dapamahło dasiahnuć značnych vynikaŭ pa źnižeńni śmiarotnaści pry vostraj nyračnaj niedastatkovaści z 35% da praktyčna nula.
U 2009 hodzie Alaksandr Sukała byŭ abrany členam-karespandentam, u 2014 hodzie — akademikam NAN Biełarusi. Jon aŭtar bolš čym 740 navukovych prac, u tym liku 6 manahrafij, 44 daviednikaŭ, padručnikaŭ i vučebna-mietadyčnych dapamožnikaŭ.
Udastojeny miedala «Za pracoŭnyja zasłuhi» (2007), a taksama ordena Śviaciciela Kiryły Turaŭskaha II stupieni (2011), ordena Jeŭfrasińni Połackaj (2012), ordena Pašany (2016), «Załatoha miedala» Nacyjanalnaj akademii navuk Biełarusi (2019).
Pachavajuć Alaksandra Sukału na Uschodnich mohiłkach Minska. Raźvitańnie z akademikam adbudziecca 5 maja ŭ 11.00 u Vialikaj kanfierenc-zale Prezidyuma NAN Biełarusi (pa.Niezaležnaści, 66).
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary