Cichanoŭskaja: Kožny hod režym apiavaŭ vajnu, kab adnojčy dapamahčy Kramlu pačać novuju
«Užo nie važna: padabajecca Babaryka, Cichanoŭski ci Łukašenka. Važna zachavać Biełaruś i jaje sumlennaje imia», — Śviatłana Cichanoŭskaja zapisała zvarot z nahody 9 Maja. Jon kardynalna adroźnivajecca ad rytoryki Łukašenki.
Jana raskazała, što jaje pradzied Kryvulec Afanasij byŭ paranieny u bai pad Bierlinam i pamior 2 maja 1945 hoda, usiaho za niekalki dzion da zakančeńnia vajny.
«Kolki dobrych spraŭ možna było b zrabić i kolkim hierojam udziačyć za mir, ale režym zamiest hetaha kožny hod apiavaŭ samu vajnu i pieramohu ŭ joj, kab adnojčy dapamahčy Kramlu pačać novuju.
I ŭ Dzień Pieramohi mnie daviadziecca havaryć z vami pra toje, što Pucin i Łukašenka ŭciahnuli Biełaruś u vajnu, u jakoj Rasiju čakaje paraza».
Cichanoŭskaja nahadała, jak paśla zakančeńnia Druhoj suśvietnaj vajny reparacyi vypłočvała nie tolki Hiermanija, ale jaje krainy-sajuźnicy.
«Paraza ŭ vajnie — heta nie tolki ekanamičnyja straty. Siońnia dla Biełarusi heta značyć być sajuźnikam taho, kaho śviet zapomnić hetak ža, jak pamiataje fašystaŭ. Što b ni kazali pa telebačańni, vajennyja złačynstvy rasijskaj armii ŭžo dakazany mižnarodnymi pravaabarončymi arhanizacyjami. Toje, što Pucin robić z Ukrainaj — heta biesčałaviečnaja žudasnaja kara. Kara nie tolki mirnych ukraincaŭ, ale i budučyni Rasii. A razam ź joj i budučyni Biełarusi».
Palityk źviarnułasia z prośbaj da biełarusaŭ, u jakich jość rodnyja i znajomyja ŭ vojsku i milicyi.
«Pahavarycie ź imi. Źviarniciesia da ich, navat kali paśla 2014-ha, 2020-ha ci lutaha 2022-ha vy bolš nie razmaŭlajecie. Źviarniciesia da ich i skažycie, što dyktatary prajhrajuć hetuju vajnu. Što jany zachočuć uciahnuć za saboj naš narod, ale im hetaha nielha dazvolić.
Što ŭžo nie važna: padabajecca Babaryka, Cichanoŭski ci Łukašenka. Važna zachavać Biełaruś i jaje sumlennaje imia.
Maje, vašyja, ich dziady razam hinuli za hetu krainu — dyk chiba my majem prava zdradzić podźvihu tych, dziakujučy kamu my źjavilisia na hety śviet?» — skončyła svoj zvarot Cichanoŭskaja.
Na Dzień Pieramohi Łukašenka vystupiŭ z ahresiŭnaj pramovaj, źnievažaŭ Ukrainu i krainy Zachadu
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska6
Kamientary