U ZŠA maci zastreliła 11‑miesiačnaha syna, kab baćka nikoli nie atrymaŭ nad im apieku
36‑hadovaja Madelin Vieranik Dejli pryznałasia ŭ zabojstvie svajho 11‑miesiačnaha syna Bejziła Stoŭniera. Pavodle materyjałaŭ śledstva, žančyna vykrała dzicia i vyviezła jaho sa štata Vajominh u Ńju-Mieksika, parušyŭšy sudovuju pastanovu, pavodle jakoj časovaja apieka nad chłopčykam była pieradadzienaja jaho baćku, piša New York Post.
23 śniežnia 2015 hoda palicyja znajšła žančynu ŭ aŭtadomie ŭ adnym z pasiołkaŭ kala Silvier-Sici. Pravaachoŭniki akružyli aŭtadom i čakali dazvołu na pieratrus. U hety momant unutry prahučaŭ streł.
Kali palicejskija trapili ŭ pamiaškańnie, jany ŭbačyli, što Dejli streliła ŭ syna ź pistaleta kalibra 9 mm. Dzicia zahinuła. Paśla hetaha žančyna pasprabavała zastrelicca, ale pravaachoŭniki zmahli jaje zatrymać.
Padčas dopytu Dejli zajaviła, što chacieła «zaścierahčy» syna i nie źbirałasia dazvalać jamu rehularna jeździć pamiž Niebraskaj i Vajominham. Kali jana ŭbačyła, što palicyja nabližajecca da aŭtadoma, žančyna skazała: «Džejk nie atrymaje Bejziła».
Pavodle materyjałaŭ spravy, Dejli taksama śćviardžała, što dzicia nibyta mahło akazacca ŭ niebiaśpiecy, kali b jana vyjšła z aŭtadoma razam ź im. Śledstva nie paćvierdziła hetyja zajavy.
Žančyna pryznała vinu ŭ zabojstvie pieršaj stupieni. Joj pahražaje maksimalnaje pakarańnie — pažyćciovaje źniavoleńnie.
U Francyi ŭ kvatery žančyny znajšli pareštki piaci niemaŭlat
U Žłobinie raskryli zabojstva niemaŭlaci, učynienaje bolš za 20 hadoŭ tamu
Raskrytyja padrabiaznaści zabojstva va Ušačach novanarodžanaha dziciaci
18‑hadovuju rasijanku ŭ Turcyi asudzili na 15 hadoŭ za toje, što jana pakinuła niemaŭla ŭ prybiralni aeraporta
Kamientary