«Ukrajinśki hieroji potribni Ukrajini živimi». Z maryupalskaj «Azoŭstali» vyvieźli ciažkaparanienych ukrainskich vajskoŭcaŭ
Kala dziasiatka aŭtobusaŭ z ukrainskimi vajskoŭcami pakinuli mietałurhičny kambinat «Azoŭstal», paviedamiła ahienctva Reuters sa spasyłkaj na vidavočcaŭ. Jany nakiravalisia ŭ Novaazoŭsk na terytoryi tak zvanaj «DNR».
Raniej 16 maja rasijskaje Minabarony paviedamiła pra pačatak evakuacyi paranienych ukrainskich vajskoŭcaŭ z terytoryi «Azoŭstali».
Pa humanitarnym kalidory ich dastavili ŭ balnicu Novaazoŭska ŭ tak zvanaj «DNR».
Usiaho ŭ Novaazoŭsk udałosia vyvieźci, jak paviedamiła namieśnica ministra abarony Ukrainy Hanna Malar, 53 ukrainskich ciažkaparanienych vajskoŭcaŭ.
Jašče 211 bajcoŭ, jakija zdalisia ŭ pałon, evakujavali praz humanitarny kalidor u akupavanuju Alenaŭku na Danieččynie. Ich płanujuć viarnuć na padkantrolnuju Ukrainie terytoryju pa pracedury abmienu.
«My nie možam kamientavać toje, što ciapier adbyvajecca na «Azoŭstali». Z vajskovaha punktu hledžańnia Maryupal nie moža być razbłakavany zaraz. Vajskoŭcy raspracoŭvajuć roznyja płany, roznyja apieracyi, pra što nielha kazać publična», — skazała Malar.
«Ukrajinśki hieroji potribni Ukrajini živimi», — zajaviŭ, u svaju čarhu, u tradycyjnym viečarovym telezvarocie prezident Ukrainy Uładzimir Zialenski.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary