ZŠA ŭviali sankcyi suprać Maryi Zacharavaj i šerahu rasijskich ministraŭ
Minfin ZŠA abviaściŭ pra ŭviadzieńnie sankcyj suprać šerahu vysokapastaŭlenych rasijan, u tym liku ŭładalnika «Sievierstali» Alaksieja Mardašova i jaho siamji (a taksama suprać źviazanych ź im kampanij), vijałančelista i siabra prezidenta RF Siarhieja Rałduhina i jaho žonki, a taksama aficyjnaha pradstaŭnika MZS RF Maryi Zacharavaj.
U śpis trapili i ministr ekanamičnaha raźvićcia RF Maksim Rašetnikaŭ, ministr budaŭnictva i ŽKH Irek Fajzulin, ministr transpartu Vital Savieljeŭ, vice-premjer Dźmitryj Hryharenka.
Siarod inšych fihurantaŭ śpisu-kiraŭnik Abjadnanaj avijabudaŭničaj karparacyi (AAK) Juryj Ślusar, uładalnik HC «Jeŭrapiejski», deviełapier Nisanaŭ, zasnavalnik kampanii Imperial Yachts Jaŭhienij Kočman, kiraŭnik «Rashieałohii» Siarhiej Harkoŭ.
Pad sankcyi patrapili dźvie jachty, źviazanyja, na dumku Minfina ZŠA, z Uładzimiram Pucinym — «Hrejsfuł» i «Alimpija», i źviazanyja z hetymi sudnami kampanii JSC Argument i Ironstone Marine Investments.
Kamientary