Na «Kufry» ŭkrainskuju sol pradajuć ažno pa 50 rubloŭ za 1,5 kiłahrama — jak z popytam?
«Naša Niva» źviarnuła ŭvahu, što na fonie cukrovaha ažyjatažu ŭ siecivie źjaviłasia šmat pryvatnych abviestak i pra prodaž soli — za viadomuju pavaranuju kamiennuju sol ukrainskaj vytvorčaści prosiać ad 40 da 50 rubloŭ za 1,5 kiłahrama. Pradaŭcy abhruntoŭvajuć heta tym, što «heta najlepšaja sol dla saleńniaŭ».
Karespandent «Našaj Nivy» jak fizičnaja asoba spytaŭ u pradaŭcoŭ, ci jość na tavar z takimi koštami popyt i ci mahčymy torh.
Pradaŭcy abhruntoŭvajuć takuju canu na tavar tym, što jon staŭ deficytnym: «u kramach jaho niama». Ale kažuć, što handal darečny. Praŭda, kali my prapanavali ŭ razmovie 10 rubloŭ za pačak, nam admovili va ŭhodzie.
«Heta prosta deficyt, u nas hetaj soli niama. A pa 1,5 kiłahrama tym bolš», — patłumačyŭ pradaviec.
Jašče adzin z pradaŭcoŭ pahadziŭsia pradać apošni pačak za 10 rubloŭ, «nie mienš», ale tolki tamu, što jon zastaŭsia adzin.
«Astatniaje chutka razabrali, było 12 pačkaŭ», — raspavioŭ mužčyna, jaki apublikavaŭ abjavu sutki tamu.
Aŭtar jašče adnoj abjavy padzialiŭsia, što vykłaŭ prapanovu ŭ sieciva ŭ try hadziny nočy, a ŭžo na 11 hadzin dnia ŭ jaho zastałosia 9 pačkaŭ z 15 — deficytnuju sol raźbirajuć pa zajaŭlenaj canie — 50 rubloŭ za 1,5 kh.
Varta adznačyć, što kiłahram biełaruskaj soli ad «Mazyrsol» pry hetym kaštuje ad 50 da 70 kapiejek. Salihorskuju kamiennuju sol pieršaha pamołu ŭ «Je-dastaŭcy» možna nabyć uvohule za 29 kapiejek.
Praŭda, u kamientarach ludzi skardziacca: «Narmalnaja sol, ale ŭ adsutnaść ukrainskaj», «Pamoł drabniejšy, čym va ŭkrainskaj soli, da jakoj my pryvykli», «Ukrainskaja sol z Arciomaŭskaha zavoda była lepšaj».
Čytajcie taksama:
«Rezkich skačkoŭ być nie moža». MARH abvierh čutki pra pavyšeńnie cen na cukar
«Situacyja nie vielmi stabilnaja». Ministerstva handlu rastłumačyła, čamu zasakrecili płan pa pavyšeńni cen
Za paŭhoda VUP Biełarusi źmienšyŭsia na 4,2%
-
Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec
-
U Homieli žančynu vysielili ź internata prosta na vulicu. Jana maci dvuch dziaciej, ale heta ŭ zalik nie pajšło
-
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary