На «Куфры» ўкраінскую соль прадаюць ажно па 50 рублёў за 1,5 кілаграма — як з попытам?
«Наша Ніва» звярнула ўвагу, што на фоне цукровага ажыятажу ў сеціве з’явілася шмат прыватных абвестак і пра продаж солі — за вядомую павараную каменную соль украінскай вытворчасці просяць ад 40 да 50 рублёў за 1,5 кілаграма. Прадаўцы абгрунтоўваюць гэта тым, што «гэта найлепшая соль для саленняў».
Карэспандэнт «Нашай Нівы» як фізічная асоба спытаў у прадаўцоў, ці ёсць на тавар з такімі коштамі попыт і ці магчымы торг.
Прадаўцы абгрунтоўваюць такую цану на тавар тым, што ён стаў дэфіцытным: «у крамах яго няма». Але кажуць, што гандаль дарэчны. Праўда, калі мы прапанавалі ў размове 10 рублёў за пачак, нам адмовілі ва ўгодзе.
«Гэта проста дэфіцыт, у нас гэтай солі няма. А па 1,5 кілаграма тым больш», — патлумачыў прадавец.
Яшчэ адзін з прадаўцоў пагадзіўся прадаць апошні пачак за 10 рублёў, «не менш», але толькі таму, што ён застаўся адзін.
«Астатняе хутка разабралі, было 12 пачкаў», — распавёў мужчына, які апублікаваў аб'яву суткі таму.
Аўтар яшчэ адной аб'явы падзяліўся, што выклаў прапанову ў сеціва ў тры гадзіны ночы, а ўжо на 11 гадзін дня ў яго засталося 9 пачкаў з 15 — дэфіцытную соль разбіраюць па заяўленай цане — 50 рублёў за 1,5 кг.
Варта адзначыць, што кілаграм беларускай солі ад «Мазырсоль» пры гэтым каштуе ад 50 да 70 капеек. Салігорскую каменную соль першага памолу ў «Е-дастаўцы» можна набыць увогуле за 29 капеек.
Праўда, у каментарах людзі скардзяцца: «Нармальная соль, але ў адсутнасць украінскай», «Памол драбнейшы, чым ва ўкраінскай солі, да якой мы прывыклі», «Украінская соль з Арцёмаўскага завода была лепшай».
Чытайце таксама:
«Рэзкіх скачкоў быць не можа». МАРГ абверг чуткі пра павышэнне цэн на цукар
«Сітуацыя не вельмі стабільная». Міністэрства гандлю растлумачыла, чаму засакрэцілі план па павышэнні цэн
За паўгода ВУП Беларусі зменшыўся на 4,2%
-
Літва палічыла фігуранта расследавання «Нашай Нівы» Скіндзерава пагрозай нацыянальнай бяспецы і збіраецца пазбавіць статусу ўцекача
-
У прыгранічных Лельчыцах вучыліся разгортваць рухомыя пункты харчавання і рэчавага забеспячэння
-
У Віцебску на пешаходным пераходзе паставілі незвычайныя слупкі. Як яны працуюць?
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну33
Каментары