Iranski ajatała Chamieniei padtrymaŭ rašeńnie Pucina ab uvarvańni va Ukrainu
U Tehieranie 19 lipienia prajšła sieryja sustreč u dvuchbakovym i trochbakovym farmacie — pamiž prezidentami Rasii i Turcyi Uładzimiram Pucinym i Redžepam Taipam Erdahanam i lidarami Irana — duchoŭnym pravadyrom (rachbaram) ajatałoj Ali Chamieniei i prezidentam Ibrachimam Raisi. Padčas sustrečy Pucina z Chamieniei apošni adkryta padtrymaŭ jahonyja dziejańni va Ukrainie.
U razmovie z Pucinym Chamieniei kranuŭsia pryčyn vajny va Ukrainie. Z adnaho boku, jon vykazaŭ škadavańnie ŭ suviazi z tym, što padčas vajny «pakutujuć prostyja ludzi», z druhoha ž faktyčna abvinavaciŭ Ukrainu i Zachad u pravakavańni Rasii.
Źviartajučysia da Pucina, Chamieniei skazaŭ praktyčna suhučna z rasijskaj aficyjnaj prapahandaj:
«Kali b vy nie ŭziali na siabie inicyjatyvu, heta zrabiŭ by inšy bok».
Raniej Iran nie vykazvaŭ nastolki adkrytaj padtrymki Rasii ŭ jaje dziejańniach u dačynieńni da Ukrainy paśla 24 lutaha, kali pačałosia poŭnamaštabnaje ŭvarvańnie vojskaŭ RF u hetuju krainu.
Napiaredadni vizitu Pucina rasijski «Hazpram» i iranskaja nacyjanalnaja naftahazavaja kampanija (NIOS) padpisali «miemarandum ab uzajemarazumieńni», jaki tyčycca inviestycyjnych prajektaŭ na sumu 40 młrd dalaraŭ.
Iran — teakratyčnaja dziaržava, viarchoŭnaja ŭłada ŭ joj naležyć duchavienstvu. Choć biahučuju ŭładu ažyćciaŭlajuć śvieckija prezidenty, jakija rehularna mianiajucca i nie mohuć być na pasadzie bolš za dva piacihadovyja terminy, nad imi znachodzicca duchoŭny lidar — ajatała, ułada jakoha zusim nie farmalnaja. I rehularnaj ratacyi hetaja pasada nie praduhledžvaje.
Ali Chamieniei kiruje Iranam až z 1989 hoda, kali pamior lidar Isłamskaj revalucyi 1979 hoda ajatała Ruchała Chamiejni. Da hetaha Ali Chamieniei z 1980 hoda byŭ prezidentam Irana.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary