Kleckaja prakuratura ŭ čarhovy raz raspačała papiaredniuju pravierku pavodle faktu paklopu ŭ ŚMI.
Kleckaja prakuratura ŭ čarhovy raz raspačała papiaredniuju pravierku pavodle faktu paklopu ŭ ŚMI.
Suprać kleckaha aktyvista Ruchu «Za svabodu» Siarhieja Panamarova ŭ vośmy raz mohuć raspačać kryminalnuju spravu. Nahadajem, što na praciahu 2007 hodu ŭ dačynieńni da staršyni kleckaj supołki BNF i vydaŭca biuleteniu «Bojki Kleck» Siarhieja Panamarova piać razoŭ raspačynali i prypyniali kryminalnuju spravu pavodle č.2 art. 188 KK RB (paklop u drukavanych srodkach). Nahodaj dla zaviadzieńnia spravy stała natatka ŭ «Bojkim Klecku» pra kiraŭnika Kleckaj jurydyčnaj kansultacyi Natallu Siemaškievič. Dvojčy admysłovaja ekśpiertyza nie znachodziła parušeńniaŭ Kryminalnaha kodeksu i spravu prypyniali za adsutnaściu składu złačynstva. Pa słovach S. Panamarova, artykuł iznoŭ nakiravany na ekśpiertyzu ŭ Minsk.
Siońnia, 18 vieraśnia Siarhiej Panamaroŭ byŭ u Salihorskim Departamiencie finansavych rasśledavańniaŭ. Tam jamu paviedamili, što atrymali pradpisańnie ź Minskaj abłasnoj prakuratury vyśvietlić, adkul jon biare srodki na vydavieckuju dziejnaść i pracu sajta. Pry hetym Panamarovu admovilisia prademanstravać dakumienty, na padstavie jakich ładzicca takaja pravierka. U svaju čarhu vydaviec admoviŭsia davać jakija-niebudź tłumačeńni. Jon ličyć, što ŭłady takim čynam akazvajuć na jaho cisk, namahajučysia spynić jahonuju vydavieckuju dziejnaść, a taksama pracu z sajtam.
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary