30% inficyravanych ludziej majuć postkavid. Voś u čym jaho niebiaśpieka

Pradstaŭnik Nacyjanalnaj słužby achovy zdaroŭja Vialikabrytanii paviedamiŭ Politico, što novy płan padtrymki dla pacyjentaŭ z praciahłym kavidam budzie apublikavany praź niekalki tydniaŭ. Pres-sakratar Ministerstva achovy zdaroŭja Hiermanii apublikavaŭ biahučy płan krainy pa baraćbie z praciahłym kavidam, jaki ŭklučaje lačeńnie ŭ śpiecyjalizavanych klinikach, palityku strachavańnia i piensijnych vypłat dla pacyjentaŭ, a taksama sposaby finansavańnia daśledavańniaŭ.

U bolšaj častcy śvietu ludziam, jakija pakutujuć ad praciahłych simptomaŭ, akazvajecca mała dapamohi, kažuć aktyvisty.

Isnujuć prynamsi 90 inicyjatyŭ pa ŭsim śviecie ŭ 34 krainach, što padymajuć prablemu praciahłaha kavidu. Bolšaść ź ich patrabuje ad uradaŭ dadatkovych daśledavańniaŭ, palapšeńnia kliničnych mietadaŭ lačeńnia i pašyreńnia dostupu da dapamohi dla ludziej ź invalidnaściu, inšyja inicyjatyvy prapanujuć padtrymku i parady.

Novyja daśledavańni pakazvajuć, što sotni miljonaŭ ludziej, imavierna, pakutujuć ad praciahłaj chvaroby, i niekatoryja ekśpierty papiaredžvajuć pra patencyjna surjoznyja doŭhaterminovyja nastupstvy hetaha zachvorvańnia dla ekanomiki i achovy zdaroŭja, jakija ŭsio jašče drenna vyvučanyja.

Pacyjenty, jakija pakutujuć ad doŭhaterminovych simptomaŭ, časam nie mohuć pracavać abo vykonvać asnoŭnyja paŭsiadzionnyja zadačy. Słužby praihnaravali doŭhaterminovyja efiekty ad pandemii.

— Nas prosta pakinuli hniści, — skazała Šantal Bryt, zasnavalnica i prezident Long Covid Switzerland. — Tamu i źjaŭlajucca ŭsie hetyja arhanizacyi, bo dziaržaŭnaj dapamohi niama.

«Što tyčycca našaha ŭrada… Ja nie dumaju, što heta navat abmiarkoŭvajecca», — kamientuje Vačuka Hičochi, aktyvist z Kienii

Hrup padtrymki ŭ sacyjalnych sietkach i inicyjatyŭ pacyjentaŭ naŭrad ci dastatkova, kažuć aktyvisty. Jany chočuć, kab urady pačali surjozna stavicca da ryzyki praciahłaha kavidu.

U svaju čarhu, urady narakajuć na małuju kolkaść dokazaŭ ab pryčynach chvaroby i małuju kolkaść pravieranych lekaŭ. I mnohija krainy prosta nie majuć resursaŭ, kab pasprabavać spravicca z praciahłym kavidam, adnačasova zmahajučysia z novymi zachvorvańniami na karonu. Nie varta zabyvać i pra inšyja chvaroby, takija jak suchoty, VIČ i malaryja.

Navat krainy z ustojlivymi sistemami achovy zdaroŭja sutykajucca ź inšymi kryzisami, takimi, jak ekanamičnyja prablemy, rehijanalnyja vojny ci rekordnaja śpiakota.

Niekatoryja daśledavańni pakazvajuć, što praciahły kavid moža mieć niehatyŭny ŭpłyŭ na 30% inficyravanych ludziej. Doŭhaterminovyja nastupstvy virusa mohuć pazbavić šmat ludziej pracazdolnaści, što moža mieć hłabalnyja ekanamičnyja nastupstvy, miarkujuć daśledčyki.

• 3
• 0
• 0
• 6
• 11
• 28
• 10
• 0