Łukašenkaŭcy pačali kuplać łajki pad pastami ŭ TH. Voś kudy jany ich staviać i jak
Karystalniki Telehrama zaŭvažyli niecharakternyja kolkaści łajkaŭ i dyzłajkaŭ pad asobnymi pastami. Pryčym źjaŭlajucca hetyja łajki taksama anamalna — «załpam».
Voś śviežy prykład z «Našaj Nivy». Pad pastom z vykazvańniami kiraŭnika «Bajpoła» Azarava za niekalki siekundaŭ dadałosia 97 dyzłajkaŭ ahidy. Čas išoŭ, kolkaść inšych łajkaŭ i dyzłajkaŭ mianiałasia, a hetych — nie.
Anamalnyja łajki my za apošnija dni kanstatavali pad pastami pra kalinoŭcaŭ, Bajpoł, Cichanoŭskuju, Sachaščyka, Łukašenku, a taksama postać Kastusia Kalinoŭskaha.
Voś anamalnyja dyzłajki pad pastom pra znachodku nieviadomych raniej tekstaŭ Kalinoŭskaha. Siarod zvyčajnaj aŭdytoryi «Našaj Nivy» nichto b pa ŭłasnaj voli nie staviŭ dyzłajka na histaryčnuju znachodku.
A tut anamalnyja łajki załpam źjavilisia pad infarmacyjaj pra aryšt čałavieka. Zvyčajna tolki redkija mizantropy łajkajuć navinu, što niekaha aryštavali.
Dyzłajki załpam padciahnulisia pad pastom pra karcinu ź biełaruskimi ściahami, namalavanuju robatam.
Niecharakternyja łajki źjavilisia ŭmomant pad hetaj infarmacyjaj pra Bajpoł.
Pad pazicyjaj kiraŭnikoŭ Finlandyi i Estonii dyzłajki taksama vyraśli za ličanyja siekundy.
A voś u hetaj apytancy prykładna praź piać chvilin paśla jaje publikacyi za chvilinu pryrasło kala 400 hałasoŭ za punkt «Kiepskaje rašeńnie». U vyniku jon na karotki čas daciahnuŭ da 30% hałasoŭ, ale ŭ vyniku sabraŭ tolki 8% prychilnaściaŭ. Biez nakrutki za jaho vykazałasia b tolki 3% respandentaŭ.
U TH @Nashaniva my nazirali takija nakrutki pakul tolki ŭ pracoŭnyja dni.
Anałahičnyja nakrutki łajkaŭ nazirajucca ŭ mnohich vialikich niezaležnych miedyja i papularnych kanałach aktyvistaŭ, prykładam, u «MotolkoPomohi», «Zierkale» i «Trybunie».
Uvaha na reakcyju
Łukaboty, jakija nakručvać dyzłajki, zajdrozdiać narmalovym spartyŭnym śviatam)) pic.twitter.com/JjYEdGHyk8
Možna dapuścić varyjant, što ŭ hetych «śpiecapieracyjach» moža być zadziejničany «infaśpiecnaz», ale realnaść, napeŭna, praściejšaja. U Rasii pracujuć śpiecyjalnyja kantory, jakija nakručvajuć łajki za hrošy. Vyhladaje, što łukašenkaŭcy ci ich rasijskija apiekuny pačali kuplać takija łajki dla biełaruskich resursaŭ. Tanna, a stvaraje ŭražańnie hramadskaj dumki.
Uličvajcie heta, kali analizujecie ŭsprymańnie tych ci inšych materyjałaŭ u internecie.
-
400‑tysiačny artykuł apublikavany na sajcie «Našaj Nivy». A pra što byli 300-tysiačny, 200-tysiačny, 100-tysiačny?
-
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam
-
Kali vy pracujecie ŭ Polščy, to možacie za chvilinu padtrymać «Našu Nivu» 1,5% padachodnaha, nie patraciŭšy ani hroša. Voś jak
Ciapier čytajuć
Były ministr kultury Rusłan Čarniecki znajšoŭ sabie padpracoŭku8
Kamientary