Biełaruski raspracoŭščyk stvaryŭ dadatak ź vieršami na rodnaj movie
Na dadzieny momant tam sabrana bolš za 80 aŭtaraŭ i 11 tysiač vieršaŭ.
Mabilny dadatak vypuščany dla ajfona. Spampavać jaho možna biaspłatna.
Jaho stvaryŭ mabilny raspracoŭščyk Dzionis Brek. Nad prajektam chłopiec pracavaŭ try tydni pa vychodnych. Heta nie pieršy jaho dadatak.
«Pačynałasia ŭsio z «Prykazak Łahojščyny» 10 hod tamu. Pa tematycy biełaruskaj movy ja jašče rabiŭ vieršy Jakuba Kołasa i bukvar dla biełaruskamoŭnych dzietak», — dzielicca Dzionis.
Šturškom da prajekta ź vieršami staŭ post u tvitary. Chłopiec vykłaŭ skrynšot dadatka pra Jakuba Kołasa i napisaŭ, što kali hety tvit źbiare 200 łajkaŭ, to jon vypuścić mabilny dadatak ź vieršami. Post u vyniku sabraŭ amal 870 padabajek.
«Mnie padabajecca, što ŭ tvitary jeść vialikaja supolnaść biełaruskamoŭnych ludziej. Uźnikła ideja, što dadatak ź vieršami moža być karysnym tym, chto robić pieršyja kroki na rodnaj movie. Šmat tvoraŭ, jakija byli napisanyja 100 hod tamu našymi piśmieńnikami, nie hublajuć aktualnaści i zaraz», — kaža Dzionis.
Čym cikava prahrama? Tam možna vybirać tvory kankretnaha aŭtara abo prasić ich vydavać randomna. Jość i kłasiki, i sučasnyja paety (naprykład, Usievaład Ścieburaka, Adam Hłobus, Nasta Kudasava, Uładzimir Niaklajeŭ, Andrej Chadanovič).
Možna taksama pastavić apaviaščeńnie — i dadatak budzie dasyłać vam štodzień novy vierš. A taksama možna rabić zakładku z abranymi tvorami.
-
Amierykanskija ŭłady chočuć vyprabavać na miažy niabačny «ciepłavy pramień», ad jakoha čałavieku zdajecca, što jon haryć
-
Nobieleŭski łaŭreat čakaje źjaŭleńnia štučnaha intelektu čałaviečaha ŭzroŭniu ŭžo praz dva-try hady. Što zmoža razumnaja technika?
-
U RNR znajšli krytyčnyja dzirki. Pad pahrozaj 70 pracentaŭ sajtaŭ
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary