Ministr Piarcoŭ sabraŭsia stvarać «miedyjachołdynhi» ŭ kožnaj z abłaściej
Łukašenkaŭcy praciahvajuć dumać, što rabić z rajonkami. Novaja ideja — stvarać miedyjachołdynhi pa prykładzie «Minskaj praŭdy». Pra heta zajaviŭ ministr infarmacyi Uładzimir Piarcoŭ.
— Heta vopyt pieradavy. Heta vopyt, pa jakim zaraz pojduć usie vobłaści. Usie ŭžo pryjšli da vysnovy, što siońnia heta adzinaja mahčymaść utrymać va ŭmovach transfarmacyi aŭdytoryju svaich rajonaŭ, — skazaŭ ministr, adznačyŭšy, što maładyja ludzi atrymlivajuć ciapier infarmacyju z hadžetaŭ, a nie z haziet.
Čytajcie taksama:
Kaścioł u Biełarusi asudziŭ publikacyju ŭ haziecie «Minskaja praŭda» i rasceńvaje jaje jak raspalvańnie varožaści
Paśla skandalnaj vokładki «Minskaj praŭdy» pasoł Vatykana sustreŭsia z Makiejem
Jak praŭładnaja «Minskaja praŭda» kradzie artykuły «Našaj Nivy»
Kali ŭ červieni Piarcoŭ zajaŭlaŭ, što ŭ rajonkach niama krytyčnych materyjałaŭ, to praz dva za pałovaj miesiacy ministr adznačyŭ, što takija teksty — nie samameta.
— Nichto nie nastrojvaje iści i kapać, vyšukvać niejkuju drabnatemnaść, «smažanyja fakty», kab prama ačarnić čynoŭnikaŭ na miescach. Naadvarot, uzajemadziejańnie redakcyi i vykanaŭčaj ułady, kali načalnik luboha adździeła navat nie pasprabuje admović. Pastupiŭ sihnał tryvohi — lampačka, bardziur, daroha, sadok, — adrazu ž vyjazdžajem tudy. Načalnik adździeła ci śpiecyjalist na miescy kaža, što tak, jość prablema, ale my zaasfaltujem jamku ŭ hetym ci nastupnym miesiacy. Usio, naryŭ źniaty.
Sioleta nieadnarazova padymałasia pytańnie ekanamičnaj nieefiektyŭnaści dziaržaŭnych ŚMI. Paśla pačatku vajny va Ukrainie sychod zamiežnych kampanij ź Biełarusi značna źmienšyŭ rekłamnyja dachody telekanałaŭ i miedyja, tamu ŭ Biełarusi prydumali novy zbor dla ŭsich rekłamadaŭcaŭ, jaki idzie na padtrymku dziaržSMI.
U infarmacyjnaj častcy kankurencyju niezaležnym miedyja (jakija vycisnuli z krainy i pryznali pa-za zakonam) dziaržaŭnyja nie mohuć skłaści i blizka.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie12
Kamientary