Recept na vychadnyja. Jabłyčna-hrušavy krambł — sakavity vosieński desiert
Krambł (crumble) — desiert, jaki pryhatuje navat dzicia, ale vynik usio roŭna vam spadabajecca. U recepcie, jaki vam prapanujem, varanyja jabłyki pieratvarajucca ŭ piure, jakoje cikava kantrastuje z kavałačkami hrušy, a nad usim hetym — lohkaja kroška ź piasočnaha ciesta.
Fota: BBC Food
Kab zhatavać jabłyčna-hrušavy krambł, vam spatrebicca:
- 100 hramaŭ chałodnaha masła, narezanaha na maleńkija kavałki
- 125 hramaŭ muki
- 75 hramaŭ cukru (lepš brać tryśniahovy)
- 75 hramaŭ rublenych arechaŭ (pa žadańni)
- 500 hramaŭ jabłyk (prykładna dva vialikija)
- 400 hramaŭ hruš
- pałova čajnaj łyžki mołataj karycy
- 2 stałovyja łyžki vadkaha miodu
- johurt, zavarny krem ci viarški dla padačy
- Razahrejcie duchoŭku da 190 hradusaŭ.
- Pakładzicie masła ŭ vialikuju misku i dadajcie muku. Palcami ŭcirajcie masła ŭ muku, pakul nie atrymajecie bujnuju adnarodnuju krošku. Dadajcie cukar i arechi (kali ich vykarystoŭvajecie), pieramiašajcie.
- Ačyścicie jabłyki ad skury i nasieńnia, dastańcie ź ich siaredzinu. Narežcie jabłyki na kavałki daŭžynioj 1 santymietr. Razrežcie hrušy na čatyry častki ŭzdoŭž, dastańcie ź ich siaredzinu i narežcie hrušy na kavałki daŭžynioj 3 santymietry (nie treba zdymać skuru). Vykładzicie sadavinu ŭ niehłybokuju vohnietryvałuju formu pamieram kala 30 na 20 santymietraŭ i hłybinioj kala 5 santymietraŭ. Pasypcie karycaj, palicie miodam, nalicie da sadaviny 120 mililitraŭ vady i ŭsio pieramiašajcie. Pakryjcie sadavinu kroškaj, ale nie pryciskajcie.
- Vypiakajcie krambł na praciahu 45-55 chvilin ci pakul vierch nie stanie krychu karyčnievym, a vadkaść nie pačnie vyciakać. Padavajcie krambł ciopłym ci haračym ź johurtam, ci, lepš za ŭsio, z chałodnymi ŭźbitymi viarškami.
6 zdaraviejšych za kavu napojaŭ, jakija ŭzbadziorać z ranicy
Recept na vychadnyja. Italjanskija frykadelki z kabačkami — aryhinalnaja i karysnaja strava
Recept na vychadnyja. Dyjetyčnyja čyzkiejki — takija lohkija i prostyja ŭ hatavańni
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary