MAHATE: Pačalisia kansultacyi adnosna stvareńnia vakoł Zaparožskaj AES achoŭnaj zony
Hiendyrektar MAHATE Rafael Maryjana Hrasi zajaviŭ pra pačatak kansultacyj pa pytańni stvareńnia vakoł ZAES achoŭnaj zony jadziernaj i fizičnaj biaśpieki.
Na Zaparožskaj AES adnavili źniešniaje elektrazabieśpiačeńnie, paviedamiła MAHATE.
«Adnoŭlenaja reziervovaja linija elektrazabieśpiačeńnia Zaparožskaj atamnaj elektrastancyi (ZAES), jakaja zabiaśpiečvaje stancyju źniešnim elektrazabieśpiačeńniem, nieabchodnym dla astudžeńnia reaktara i inšych funkcyj biaśpieki», — havorycca ŭ tvicie MAHATE.
Tym časam hiendyrektar MAHATE Rafael Maryjana Hrasi zajaviŭ pra pačatak kansultacyj pa pytańni stvareńnia vakoł ZAES achoŭnaj zony jadziernaj i fizičnaj biaśpieki.
«Ja pa-raniejšamu surjozna zaniepakojeny situacyjaj na zavodzie, jaki zastajecca ŭ niebiaśpiecy da tych časoŭ, pakul praciahvajucca abstreły. Dla vyrašeńnia hetaj surjoznaj situacyi pačatyja kansultacyi ab nieabchodnaści terminovaha stvareńnia zony jadziernaj biaśpieki i abarony na Zaparožskaj atamnaj elektrastancyi (ZAES)», — havorycca ŭ zajavie Hrasi ab situacyi va Ukrainie.
U MAHATE zajaŭlajuć, što nadziejnaje vonkavaje elektrazabieśpiačeńnie ad sietki i sistemy reziervovaha elektrazabieśpiačeńnia nieabchodnyja dla zabieśpiačeńnia jadziernaj biaśpieki i praduchileńnia jadziernaj avaryi, navat kali reaktary ŭžo nie pracujuć. Heta patrabavańnie ŭvachodzić u lik siami abaviazkovych umoŭ jadziernaj i fizičnaj jadziernaj biaśpieki, jakija Rafael Hrosi paznačyŭ u pačatku kanfliktu.
Siońnia pytańni biaśpieki na Zaparožskaj AES abmiarkoŭvalisia padčas telefonnaj razmovy prezidenta Francyi Emaniuela Makrona z Uładzimiram Pucinym.
Unačy 11 vieraśnia enierhabłok №6 ZAES adklučyli ad enierhasietki. Idzie padrychtoŭka da jaho achaładžeńnia i pieravodu ŭ chałodny stan.
Kamientary