Čynoŭniki admianili pakaz apierety amal stohadovaj daŭniny, bo tam pazityŭna pakazvajuć Amieryku
Čynoŭniki admianili premjeru apierety vienhierskaha kampazitara Imre Kalmana «Hiercahinia z Čykaha», jakuju rychtavaŭ Biełaruski dziaržaŭny muzyčny teatr. Pra heta sajtu «Zierkało» raskazali supracoŭniki teatra.
Hetaja apiereta Kalmana ŭpieršyniu była pastaŭlenaja ŭ 1928 hodzie.
Premjera ŭ Minsku była zapłanavanaja na 23 i 24 vieraśnia.
Na zdaču śpiektakla byli zaprošanyja čynoŭniki z upraŭleńnia kultury Minharvykankama. Paśla hetaha teatr paviedamiŭ, što premjera admianiajecca «pa techničnych pryčynach». Pakazy śpiektakla ŭ kastryčniku taksama admienienyja. Prytym admiena tyčycca taksama i hastrolaŭ u Rasii, jakija adbuducca nieŭzabavie — tam śpiektakl taksama nie pakažuć, choć spačatku heta i płanavałasia.
Cikava, što da hetaha anons premjery źjaviŭsia ŭ całkam pazityŭnaj tanalnaści na sajcie dziaržaŭnaha infarmacyjnaha ahienctva «BiełTA».
«Hiercahinia z Čykaha» — palityčnaja satyra jak na amierykanskija, tak i na jeŭrapiejskija realii 1920-ch hadoŭ. Vierahodna, biełaruskija čynoŭniki pabačyli ŭ pastanoŭcy paraleli z sučasnaj situacyjaj. Pa słovach supracoŭnikaŭ teatra, čynoŭnikam nie spadabalisia žarty pra pačatak vajny ź Japonijaj, hieroi homasieksualnaj aryjentacyi, a taksama toje, što Amieryka ŭ cełym pakazvajecca ŭ apierecie pazityŭna.
Najbližejšy pakaz «Hiercahini z Čykaha» zapłanavany na 11 listapada. Supracoŭniki spadziavajucca da taho času pryvieści śpiektakl u vyhlad, jaki zadavolić čynoŭnikaŭ Minharvykankama.
-
«Dudzia hladzieŭ? A Dudź — špijon». Biełarusy raskazali, jak ciapier prachodziać pravierki telefonaŭ i apytańni na miažy
-
«Mnie litoŭcy skazali nie śviacicca, tamu što śpiecsłužby šukajuć, jak padabracca». Franak Viačorka pra pahrozy
-
U Barysavie vydzialajuć bolš čym miljon dalaraŭ na «adradžeńnie jaŭrejskich tradycyj»
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary