Łukašenka: My pačynajem zadziejničać hrupoŭku Sajuznaj dziaržavy
Pa słovach Alaksandra Łukašenki, farmavańnie hetaj hrupoŭki idzie ŭžo na praciahu dvuch dzion. Pakul niajasna, što aznačaje hetaja zajava.
Alaksandr Łukašenka siońnia na naradzie pa pytańniach biaśpieki skazaŭ, što ŭ Sankt-Pieciarburhu paśla niefarmalnaha samitu SND u jaho adbyłasia sustreča sam-nasam z Uładzimiram Pucinym.
«U suviazi z abvastreńniem na zachodnich miežach Sajuznaj dziaržavy my damovilisia ab razhortvańni rehijanalnaj hrupoŭki Rasijskaj Fiederacyi i Respubliki Biełaruś. Heta ŭsio pa našych dakumientach. Kali ŭzrovień pahrozy dasiahaje ciapierašniaha ŭzroŭniu, jak ciapier, my pačynajem zadziejničać hrupoŭku Sajuznaj dziaržavy. Asnova (ja zaŭsiody pra heta kazaŭ) hetaj hrupoŭki — armija, uzbrojenyja ciły Respubliki Biełaruś.
Pavinien vas infarmavać, što farmavańnie hetaj hrupoŭki pačałosia. Jano idzie ŭžo, pa-mojmu, na praciahu dvuch dzion. Addadzienaje było majo rasparadžeńnie, kab my prystupili da farmavańnia hetaj hrupoŭki», — cytuje Łukašenku BiełTA.
Jon zajaviŭ na naradzie: «Nie pavinna być vajny na terytoryi Biełarusi. I my, vajskoŭcy, zrobim usio, kab nie było».
Pa słovach Łukašenki, jaho byccam by pa nieaficyjnych kanałach papiaredzili ab «naniasieńni ŭdaru pa Biełarusi z terytoryi Ukrainy».
«Jak było zajaŭlena: «My zrobim tak, što heta budzie Krymski most — 2». Moj adkaz byŭ prosty: «Daviadzicie prezidentu Ukrainy i inšym varjatam, što Krymski most im padasca kvietačkami, kali jany dakranucca svaimi brudnymi rukami choć da adnaho mietra našaj terytoryi», — pryvodziać jaho słovy dziaržaŭnyja ŚMI.
Alaksandr Łukašenka nie pieršy raz abvinavačvaje Ukrainu ŭ padrychtoŭcy ŭdaraŭ pa Biełarusi. U realnaści ź Biełarusi pačynajučy ź lutaha 2022 hoda ažyćciaŭlajecca ahresija suprać Ukrainy. U pryvatnaści, z terytoryi Biełarusi rasijskija vojski sprabavali zachapić Kijeŭ i adrezać Zachodniuju Ukrainu ad centra krainy. Paśla razhromu rasijskaj hrupoŭki pad Kijevam z terytoryi Biełarusi i z pavietranaj prastory nad joju ažyćciaŭlalisia ŭdary pa Ukrainie.
Usiaho ŭ vyniku napadu Rasii na Ukrainu zahinuli dziasiatki tysiač ludziej, jašče bolš było paraniena, miljony ludziej stali ŭciekačami.
Heta samaja maštabnaja vajna ŭ Jeŭropie paśla Druhoj suśvietnaj. Biełaruś u joj — adzinaja sajuźnica Rasii. U kaalicyju, jakaja dapamahaje Ukrainie, uvachodziać 46 dziaržaŭ.
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary
sramotu v Čužuju Vojnu i vtianuł v niejo biełorusov i Biełaruś.
Eto žie nado tak napuhaťsia
płana "pieramohi", čto by prodať niezavisimosť i suvierienitiet strany putinu, biełorusov vtianuť v putinskuju vojnu i vsio dla toho, čtoby zadnicy łukašienok ostaliś v komfortie.
I imia tvojo budiet proklato v Biełarusi.
Naviernoje,ty ob etom miečtał?