«My hatovyja dać syravinu, a vy vyrabicie ŭpakoŭku». Biełaruskija čynoŭniki sprabujuć impartazamiaścić tetrapaki
Namieśnik staršyni kancerna «Biellespapierapram» Alaksandr Pšenny raskazaŭ u efiry STB, jak prasoŭvajecca stvareńnie biełaruskaha tetrapaku. Pavodle jaho, usio ŭpirajecca ŭ adsutnaść u Biełarusi technałohij, choć syraviny dla vyrabu tetrapakaŭ u nas dastatkova.
Pavodle čynoŭnika, siońnia ŭ Dobrušy ŭžo vypuskajecca kardon, jaki budzie asnovaj tetrapaku. Ale ŭ Biełarusi pakul «niama kampietencyj» dla vytvorčaści takoj upakoŭki, tamu treba šukać inviestara z technałohijami, rastłumačyŭ Pšenny.
«U śviecie jość usiaho 5-6 kampanij, jakija viedajuć sakrety vytvorčaści tetrapaku, tamu my pryciahvajem indyjcaŭ i kitajcaŭ pa schiemie «my hatovyja dać syravinu, a vy vyrabicie ŭpakoŭku», — raskazaŭ namieśnik staršyni dziaržkancerna.
Druhi kirunak — praca z kampanijaj TetraPak u Rasii, jakaja raniej całkam zabiaśpiečvała biełaruski rynak. Jana adnaviła vytvorčaść paśla dvuch miesiacaŭ prastoju i hatovaja kuplać u Biełarusi kardon u abmien na harantyju taho, što całkam zabiaśpiečyć tetrapakam biełaruski rynak, paviedamiŭ Pšenny.
U vyniku na razhladzie dva varyjanty: arhanizacyja sumiesnaj vytvorčaści ŭ Biełarusi ci pahadnieńnie z Rasijaj, padsumavaŭ čynoŭnik.
Tym časam dniami stała viadoma, što na pradpryjemstvie «Babulina krynka» z-za adsutnaści ŭpakoŭki viarški ŭžo raźlivajuć u tetrapaki, pryznačanyja dla šakaładnaha kaktejlu.
Čytajcie taksama:
Na «Babulinaj kryncy» viarški raźlivajuć u tetrapaki z-pad šakaładnaha kaktejlu. I heta nie pamyłka!
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary
"eto užie nie šutka. jeśli kto-to iz łatyšiej chočiet zahotoviť drova (tam oni očień dorohi), požałujsta k nam. brihady. my im vydielim miesto. puskaj vyrubajut"
naša pryroda (lasy), našy ludzi (ich kultura, intelekt) - asnoŭnaje naša bahaćcie. ad ščyrych biełarusaŭ licha pazbaŭlajucca... zaraz i lasy pojduć naprava i naleva, što nie pavykasili jašče... ech, hulaj cyhanskaja duša
araby sabie rubiać na polskaj miažy... łatyšy - chaj rubiać sabie... kitajcy sabie... a biełarusu halinku apałuju nielha padniać u lesie