Siarod biełaruskich palitviaźniaŭ, vyzvalenych 11 vieraśnia, jość i viadomy palityk Mikoła Statkievič, staršynia Biełaruskaj sacyjał-demakratyčnaj partyi (Narodnaja Hramada).
Mikołu Statkieviču 69 hadoŭ. Jon naradziŭsia na Słuččynie ŭ siamji nastaŭnikaŭ. Skončyŭ Minskaje vyšejšaje inžyniernaje zienitna-rakietnaje vučylišča (MVIZRV), słužyŭ u vojsku, abaraniŭ kandydackuju dysiertacyju, vykładaŭ u MVIZRV.
U 1991 hodzie vyjšaŭ z KPSS i staŭ adnym z zasnavalnikaŭ Biełaruskaha zhurtavańnia vajskoŭcaŭ, jakoje damahałasia stvareńnia nacyjanalnaj armii i abarony niezaležnaści.
Z 1995 hoda aktyŭna zajmajecca palitykaj, uznačaliŭ BSDP (Narodnaja Hramada). Arhanizoŭvaŭ šmatlikija akcyi pratestu, za što nieadnarazova aryštoŭvaŭsia i asudžany.
U 2010 hodzie byŭ kandydatam u prezidenty. Paśla ŭdziełu ŭ akcyi 19 śniežnia 2010 hoda asudžany na 6 hadoŭ kałonii ŭzmocnienaha režymu, vyzvaleny ŭ 2015 hodzie. Znoŭ aktyŭna ŭdzielničaŭ u palityčnych kampanijach i pratestach.
U traŭni 2020 hoda byŭ zatrymany. 14 śniežnia 2021 hoda na zakrytym sudzie ŭ Homieli asudžany na 14 hadoŭ pazbaŭleńnia voli asablivaha režymu pavodle abvinavačańnia ŭ arhanizacyi masavych biesparadkaŭ. Razam ź im asudzili i inšych viadomych apanientaŭ ułady. Pakarańnie adbyvaŭ u kałonii ŭ Hłybokim, apošnija hady ŭtrymlivaŭsia ŭ režymie inkamunikada.
U 2020 hodzie atrymaŭ premiju imia Andreja Sacharava.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary