Suzasnavalnik Oracle Łary Elisan pasunuŭ hienieralnaha dyrektara Tesla Iłana Maska ź pieršaha miesca ŭ suśvietnym rejtynhu samych bahatych ludziej, piša Bloomberg.
Pavodle danych Bloomberg, u sieradu viečaram dachod Elisana pavialičyŭsia na 101 miljard dalaraŭ i dasiahnuŭ 393 miljardaŭ. Heta dazvoliła jamu abahnać Maska, čyj kapitał ciapier aceńvajecca ŭ 385 miljardaŭ dalaraŭ.
Rezki skačok adbyŭsia paśla taho, jak akcyi Oracle padaraželi na 40% paśla publikacyi finansavaj spravazdačy, u jakoj kampanija adrapartavała pra niekalki šmatmiljardnych kantraktaŭ, što, jak čakajecca, pryniasuć u budučyni 455 miljardaŭ dalaraŭ dachodu.
«Heta byŭ ašałamlalny kvartał, i popyt na Oracle Cloud Infrastructure praciahvaje raści», — zajaviła hienieralnaja dyrektarka Oracle Safra Kac.
Jana taksama dadała, što ŭ najbližejšyja miesiacy kampanija płanuje padpisać jašče niekalki kantraktaŭ na miljardy dalaraŭ, što moža pavysić abjom abaviazacielstvaŭ da zvyš 500 miljardaŭ.
Kac taksama pradstaviła ambicyjny prahnoz dla vobłačnaha padraździaleńnia kampanii: u 2026 finansavym hodzie Oracle čakaje rostu dachodaŭ na 77% — da 18 miljardaŭ dalaraŭ.
Na praciahu nastupnych čatyroch hadoŭ kampanija płanuje značnaje pavieličeńnie vyručki ad vobłačnych servisaŭ — da 32, 73, 114 i 144 miljardaŭ dołaraŭ adpaviedna.
Mask utrymlivaŭ tytuł samaha bahataha čałavieka śvietu amal hod. U śniežni 2024 hoda jaho stan dasiahnuŭ rekordnych 486 miljardaŭ dołaraŭ, adnak u hetym hodzie jon skaraciŭsia z-za prablem ź dziaržaŭnymi abaviazacielstvami i padzieńnia pakazčykaŭ kampanij, u pryvatnaści Tesla.
Mask, jaki amal hod utrymlivaŭ tytuł samaha bahataha čałavieka śvietu, letaś u śniežni dasiahnuŭ piku ŭ 486 miljardaŭ dalaraŭ. Adnak u hetym hodzie jaho kapitał značna skaraciŭsia, pakolki jaho praca na amierykanski ŭrad surjozna paŭpłyvała na jaho kampanii, pierš za ŭsio na Tesla.
Adnak učora da kanca dnia Mask užo apiaredžvaŭ Elisana na adzin miljard dalaraŭ z kapitałam u 384 miljardy.
Łorens (Łary) Elisan — amierykanski pradprymalnik i adzin z samych viadomych dziejačaŭ u śfiery infarmacyjnych technałohij. U 1977 hodzie jon zasnavaŭ karparacyju Oracle, jakaja stała hłabalnym lidaram u halinie baz danych, karparatyŭnaha prahramnaha zabieśpiačeńnia i vobłačnych rašeńniaŭ.
Siońnia Oracle spaborničaje z takimi hihantami, jak Amazon, Microsoft i Google u siehmiencie vobłačnych servisaŭ.
Elisan ličycca adnym z architektaraŭ sučasnaj IT-industryi: jaho pradukty dziesiacihodździami vyznačali standarty ŭ halinie zachoŭvańnia i apracoŭki danych dla biźniesu, dziaržaŭnych struktur i finansavych instytucyj.
Jaho dachod niepasredna źviazany ź imklivym rostam popytu na vobłačnyja technałohii, jakija ciapier stali klučavym drajvieram hłabalnaha IT-rynku.
Ciapier čytajuć
Da «Dnia narodnaha adzinstva» pamiłavali 25 čałaviek2
Kamientary