Łukašenka: Kali abryniecca Rasija, to pad jaje abłomkami i naša miesca
Łukašenka padčas vystupleńnia na samicie ADKB havaryŭ pra pierśpiektyvy arhanizacyi i siarod inšaha padzialiŭsia svaimi prahnozami na budučyniu.
Palityk adznačyŭ, što ŭ apošni čas u ŚMI raźvivajecca tezis ab tym, što žyćcio i los ADKB zaležać ad zychodu vajny va Ukrainie. Maŭlaŭ, kali Rasija pieramoža, to ADKB budzie žyć, a biez Rasii arhanizacyja niežyćciazdolnaja.
Łukašenka nie tolki nie staŭ asprečvać heta śćviardžeńnie, a faktyčna ź im salidaryzavaŭsia:
«Adčuvaju, što my pryjšli da adzinaha mierkavańnia, što kali, nie daj boh, abryniecca Rasija, to pad hetymi abłomkami naša miesca».
«Nie pavinna być navat takich razmoŭ. My nie źbirajemsia z vajenna-palityčnaj areny sychodzić. ADKB budzie isnavać, i nichto nidzie nie abryniecca. Ale adzinstva nam treba», — dadaŭ Łukašenka.
Varta adznačyć, što ŭ rasijskuju vajnu nichto z kiraŭnikoŭ krain, što ŭvachodziać u ADKB, tak hłyboka, jak Łukašenka, nie zaanhažavaŭsia navat i blizka, tamu paraza Rasii pakidaje im niemałuju prastoru dla manieŭravańnia. Tamu Łukašenka, abahulniajučy, havaryŭ pieradusim pra siabie.
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary