U Rasii źbirajucca vypuskać ułasnyja miniveny. Tolki pahladzicie, jak jany vyhladajuć i za kolki buduć pradavacca
U Rasii prezientavali vaśmimiesny miniven na bazie «Łada Hranta». Heta ŭžo druhi miniven ułasnaj raspracoŭki, vypusk jakoha płanujuć pačać da novaha hoda.
Novuju madel pradstaviła pradpryjemstva «Pramysłovyja technałohii», jakoje zajmajecca vypuskam furhonaŭ i hruza-pasažyrskich viersij na bazie madelaŭ Lada. Miniven maje nazvu Granta Kub. Kab zrabić ź lehkavika vaśmimiesny miniven, inžynieram daviałosia amal na paŭtara mietra pavialičyć kołavuju bazu i ŭstalavać pnieŭmatyčnuju padviesku na tylnuju voś.
Piaredniaja častka Lada Granta Kub — heta zvyčajnaja Granta.
Granta Kub budzie dastupnaja nie tolki ŭ vaśmimiesnaj, ale i ŭ piacimiesnaj viersii. Vytvorcy abiacajuć, što pieršyja miniveny na bazie Granta pastupiać u prodaž u śniežni. Start prodažaŭ vaśmimiesnaha minivena zapłanavany na luty nastupnaha hoda. U Rasii takija aŭtamabili ŭ zaležnaści ad viersii buduć pradavać pa cenach ad 28 da 29 tysiač dalaraŭ.
Apošnim časam zvyčajnyja Granta ŭ Biełarusi pradavali pa cenach kala 18 tysiač dalaraŭ. A ŭ 2018 hodzie — ad 7500 da 10 500 dalaraŭ, u zaležnaści ad viersii i kamplektacyi.
Heta nie pieršy taki miniven, jaki płanujuć zapuścić u prodaž da kanca hoda. U kastryčniku «Pramysłovyja technałohii» ŭžo pakazvali dzieviacimiesny miniven, pabudavany na bazie Lada Niva.
Dzieviacimiesny miniven atrymaŭ nazvu Niva KUB NN. Tady ceny na poŭnapryvadny miniven pradpryjemstva nie nazyvała. U płanach kampanii — vypuskać pa 500 takich aŭto štohod.
Ci źjaviacca takija miniveny ad «Łady» i «Pramysłovych technałohij» u prodažy ŭ Biełarusi, pakul nieviadoma. Letaś aŭtamabili marki «Łada» zaniali pieršaje miesca pa kolkaści pradadzienych u nas novych aŭto.
Čytajcie taksama: «Maskvič» chutka vierniecca na darohi Biełarusi, ale heta budzie nie maskvič, a ańchojec
-
Pa darozie sa Šviecyi ŭ Biełaruś mašyna zhubiła minimum 300 tysiač kiłamietraŭ prabiehu — ciapier jaje pradajuć za $15 tysiač
-
Za paŭhoda pravoŭ pazbavili bolš za 10 tysiač kiroŭcaŭ
-
Biełarus, jaki pastajanna žyvie za miažoj, pryvioz ź ES mašynu i pakinuŭ baćkam. Jaje zabrali i zapatrabavali «poŭnaj razmytnioŭki»
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary