Staradaŭni kaścioł u miastečku Ziembin Barysaŭskaha rajona, jaki znachodzicca ŭ avaryjnym stanie, na hetym tydni pačali razburać, paviedamlaje rasijskaje vydańnie Sputnik. Spadziavańni, što ŭłady ŭsio ž buduć šukać sposaby, kab zachavać hety pomnik architektury, akazalisia marnymi.
Budynak, jaki ličycca historyka-kulturnaj kaštoŭnaściu, užo daŭno byŭ pryznany avaryjnym. A sioleta ŭ krasaviku adna sa ścien kaścioła abvaliłasia z-za mocnaha vietru.
Idei restaŭracyi byli adchilenyja, budynak vyrašyli prosta źnieści. Adzinaje, što zachavajuć — skulpturu Dzievy Maryi. Padčas demantažu kaścioła jaje časova źmiaścili ŭ muziej.
«Tak, kryž i postać atrymałasia biaśpiečna źniać, nichto nie paciarpieŭ. Jany (rabotniki) pa miery mahčymaściaŭ vielmi akuratna heta rabili, i na dany momant znachodzicca skulptura ŭ muziei. Ja napisaŭ prośbu ŭ harvykankam, kab razhledzieli varyjant pieradać jaje parafijanam, za srodki jakich jana budzie adrestaŭravanaja», — raskazaŭ Sputnik miascovy ksiondz.
U Barysavie adkazali, što prośbu ksiandza ŭ ciapierašni momant razhladajuć u Ministerstvie kultury. Kali rašeńnie budzie pryniata stanoŭčaje, fihuru pieradaduć u Ziembin dla adnaŭleńnia. «A z časam, kali kaścioł razburać, my płanujem pabudavać maleńkuju kapličku na jaho miescy abo pobač, pastavić fihuru Dzievy Maryi i kryž», — rastłumačyŭ jon.
400-hadovy kaścioł u Ziembinie sa skulpturaj Božaj Maci na frantonie — adzin z apošnich abjektaŭ baroka, pabudavanych na terytoryi Biełarusi. Śpiecyjalisty ličać, što budynak byŭ uźviedzieny ordenam daminikancaŭ u pačatku XVII stahodździa. Pieršapačatkova pabudova była draŭlanaj i ŭ joj žyli daminikanskija manachi. Kali ž u pačatku XVIII stahodździa chram zhareŭ, to jaho pabudavali nanoŭ užo cahlanym.
Kaścioł dziejničaŭ da 1932 hoda, paśla čaho jaho zakryli savieckija ŭłady. Z tych časoŭ budynak nie vykarystoŭvaŭsia. U 2010 hodzie ruiny kaścioła źbiralisia źnieści barysaŭskija ŭłady, adnak tady vałanciory praduchilili znos. Ale nijakich mieraŭ pa praduchileńni dalejšaha razbureńnia nie rabiłasia.
Čytajcie taksama:
Raźbiaruć pa cahlincy. Vyrašany los staražytnaha kaścioła ŭ Ziembinie
Paśla abrušeńnia ściany kaścioła ŭ Ziembinie na darozie pobač ź im pierakryli ruch. Što budzie dalej sa śviatyniaj
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary