KDB pačaŭ śpiecvytvorčaść u dačynieńni jašče da troch čałaviek, paviedamlaje BiełTA. Hetym razam pad zavočnuju raspravu patrapiać Vadzim Prakopjeŭ, Ihar Čamiakin i Dzianis Chamicevič.
Usim trom abvinavačanym zakidajucca ciažkija kryminalnyja artykuły, siarod jakich teraryzm, niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ, niezakonny abarot mocnadziejnych ci atrutnych rečyvaŭ, zmova z metaj zachopu dziaržaŭnaj ułady, zakliki da sankcyj, hvałt ci pahroza hvałtu ŭ dačynieńni da supracoŭnikaŭ milicyi, złoŭžyvańnie ŭładaj ci słužbovym stanoviščam i h. d.
Siarod abvinavačanych dobra viadomy hramadskaści tolki 51-hadovy Vadzim Prakoṕjeŭ — były paśpiachovy restaratar, adzin za stvaralnikaŭ farmavańnia «Pahonia» ŭ składzie ŭkrainskaha vojska.
Pra inšych viadoma kudy mienš.
31-hadovy Ihar Čamiakin uvohule fihura niečakanaja. Proźvišča hetaha čałavieka raniej hučała ŭ kantekście zabojstva Alaksandra Tarajkoŭskaha, u dačynieńni da jaho Čamiakina abvinavačvaŭ Ihar Makar. Hety čałaviek nibyta byŭ bajcom antyterarystyčnaha padraździaleńnia MUS «Ałmaz», jaki paśla zvolniŭsia sa słužby i vyjechaŭ va Ukrainu.
Možna mierkavać, što Chamicevič i Čamiakin niejkim čynam źviazanyja z Prakopjevym, kali ich abjadnali ŭ adnu spravu.
Kamientary
voobŝie nikoho iz nich nie znaju. i znať vid́ma nie choču.
pro riestoratora dostatočno toj małoj informacii, čto počierpnuła, błahodaria NN (spasibo, NN)) tiem letom.
a imienno: čto ni mnoho, ni mało, a pOrtfiel miera Minska siebie siej riestorator chotieł. i piervoje, čto sdiełał by siej riestorator, buduči na postu miera Miska - to eto pierieimienovał by ulicu Starovilenskuju (!) v ulicu Niemcova (novorusskoho hieroja)
nie vieritie? čitajtie intierv́ju riestoratora ot NN