Stała viadoma pra śmierć jašče adnaho biełarusa-dobraachvotnika
Aleh Panamaroŭ zahinuŭ 7 lipienia, ale pra śmierć hetaha biełarusa stała viadoma tolki ciapier, piša «Radyjo Svaboda».
Mužčyna pryjechaŭ vajavać va Ukrainu jašče ŭ 2014 hodzie. Spačatku słužyŭ u bataljonach «Šachtarsk» i «Karpackaja Sieč». Braŭ udzieł u bajavych dziejańniach la šachty «Butaŭka» i ŭ Piaskach na ŭschodzie Ukrainy.
Panamaroŭ naradziŭsia ŭ Charkaŭskaj vobłaści Ukrainy, ale jahonyja baćki razyšlisia, i maci ź dziećmi pajechała na svaju radzimu, u Mahiloŭ.
Aleh Panamaroŭ byŭ hramadzianinam Biełarusi, ukrainskaje hramadzianstva zmoh atrymać u 2017 hodzie. U Biełarusi chłopiec pracavaŭ armaturščykam na zavodzie.
«Jon vielmi chacieŭ dapamahčy Ukrainie. Jon razumieŭ, što Rasija pryciaśniaje jahonuju radzimu. Sačyŭ za Majdanam, a kali pačałasia vajna, to nie zmoh zastavacca ŭbaku», — kaža pabracim Aleha Panamarova Astap.
Pieršym pazyŭnym Aleha byŭ Arteha, tak jon nazvaŭsia ŭ honar ispanskaha fiłosafa Chase Artehi-i-Haseta. Potym staŭ Katom. Apošnim časam mieŭ pazyŭny Chmury.
Aleh Panamaroŭ słužyŭ namieśnikam kamandzira bajavoj mašyny, navodčykam-apierataram šturmavoha ŭzvoda šturmavoj roty ŭ bataljonie «Ajdar». Zahinuŭ biełarus paśla pramoha papadańnia snarada ŭ akop, dzie jon znachodziŭsia. Heta adbyłosia la vioski Paŭłaŭka Danieckaj vobłaści.
Pachavali Chmuraha va Užharadzie, na samym zachadzie Ukrainy, u Zakarpaćci. Takoje miesca pachavańnia vybrali tamu, što va Užharadzie žyvie pabracim Panamarova Astap, jaki zajmaŭsia pachavańniem.
«Aleh žyŭ u Kramatorsku Danieckaj vobłaści, ale jamu vielmi padabalisia Karpaty. Maryŭ kaliści pierajechać siudy žyć», — kaža Astap.
Pachavali Aleha Panamarova pad bieł-čyrvona-biełym ściaham.
«Dla jaho heta było vielmi važna. Jon zaŭsiody mieŭ pry sabie šaŭron z Pahoniaj. Havaryŭ: kali raźbiaromsia z Rasijaj tut, to pojdziem vyzvalać Biełaruś».
Biełaruskamu dobraachvotniku było 30 hadoŭ. Heta 17-ja viadomaja śmierć biełarusaŭ va Ukrainie.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary