Ekspart rasijskaha trubapravodnaha hazu ŭ Jeŭropu abvaliŭsia da postsavieckaha minimumu
Ahienctva Reuters, abapirajučysia na ŭłasnyja raźliki i danyja «Hazprama», paviedamiła ab abvale ekspartu trubapravodnaha rasijskaha hazu da postsavieckaha minimumu z-za skaračeńnia jaho impartu Niamieččynaj (najbujniejšy pakupnik rasijskaha hazu) padčas vajny va Ukrainie, a taksama z-za sieryi zahadkavych vybuchaŭ na «Paŭnočnych patokach» u Bałtyjskim mory.
«Hazpram» sa spasyłkaj na svajho hałoŭnaha vykanaŭčaha dyrektara Alaksieja Milera zajaviŭ, što ekspart hazu za miežy byłoha Savieckaha Sajuza sioleta dasiahnie 100,9 młrd kubamietraŭ. Pa raźlikach Reuters, heta ličba aznačaje abvał ekspartu bolš za 45% u paraŭnańni z pakazčykami minułaha hoda (185,1 młrd kubamietraŭ).
Dachody «Hazprama» sioleta nie pamienšali, bo ŭ suviazi z vajnoj ceny na haz uźlacieli da niabios. Adnak u pierśpiektyvie, paśla pieraaryjentacyi syravinnych patokaŭ, źnižeńnie abjomaŭ niepaźbiežna pryviadzie i da źnižeńnia ekspartnych dachodaŭ Rasii.
Ciapier čytajuć
Što Babaryka i Kaleśnikava adkazali na pytańni pra vajnu110
Kamientary