Jak pravilna zahadvać žadańni, kab jany ździajśnialisia? Try prostyja ŭmovy
Apošni dzień hoda — prydatny čas, kab padvieści vyniki, źmianić svajo žyćcio i skłaści śpis žadańniaŭ na nastupny hod.
Fakt: vaša realnaść źmienicca, jak tolki pamianiajucca vašy dumki
Niama inšych ludziej, spryjalnych abstavin i ščaślivych vypadkovaściaŭ. Tolki vy možacie zrabić siabie ščaślivym, daje parady «Źviazda».
«Padobnaje pryciahvaje padobnaje»: kali my ŭ dobrym nastroi, da nas pryciahvajecca jašče bolš dobrych padziej. I naadvarot. Heta datyčyć situacyj i ludziej. My pryciahvajem tolki toje, što znachodzicca ŭ vibracyjnaj adpaviednaści z nami. Hety zakon nie pierastaje dziejničać ni na siekundu. Tamu tak važna navučycca atrymlivać asałodu ad žyćcia, chutka pryvodzić da ładu svaje dumki i emocyi.
— Kali vy sumujecie — Suśviet sumuje z vami.
— Kali vy złujaciesia — Suśviet stanovicca złym.
— Kali vy radujeciesia — Suśviet stanovicca radasnym i ščaślivym.
— Kali vy lubicie — Suśviet napaŭniajecca luboŭju.
Jak pravilna napisać svajo žadańnie, kab jano ździejśniłasia?
Dziŭna, ale ŭ hetym jość niejkaje čaraŭnictva: zapisanyja mety i žadańni vykonvajucca čaściej, čym tyja, jakija vy prosta trymajecie ŭ hałavie. Niezdarma kažuć: «Što napisana piarom, toje nie vysiačeš i siakieraj».
Biarycie list papiery i pišycie svaje žadańni na hod.
Farmuloŭka pavinna być takoj, jak byccam žadańnie ŭžo ździejśniłasia — u ciapierašnim časie. Naprykład, ja zarablaju hetulki voś (napišycie peŭnuju sumu), u mianie Mercedes-Benz CLA 500 koštam 350 000 rubloŭ čornaha koleru z turbaruchavikom u 200 konskich sił, aŭtamatyčnaj karobkaj pieradač i skuranym biełym sałonam.
Taksama nie varta vykarystoŭvać słova «chaču», bo možna chacieć vykanańnia žadańnia ŭsio žyćcio i tak i nie dačakacca.
Paźbiahajcie vykarystańnia čaścicy «nie».
Vaša zadača — ujavić, što vy hetym užo vałodajecie i davierycca Suśvietu, a samomu ruchacca da žadanaha biez sumnievaŭ. Viercie, što žadańnie ździejśnicca.
Čałaviek maje toje, u što vieryć. Tolki niepachisnaja viera ŭ toje, što žadańnie ździejśnicca, uvasablaje jaho ŭ realnaść. Ni na siekundu nie sumniavajciesia, što zahadanaje ździejśnicca. Tolki davier Suśvietu moža pryciahnuć toje, što padajecca nievierahodnym. Akramia taho, Suśviet adklikajecca tolki na sapraŭdnyja žadańni, jakija znachodziacca ŭ našaj dušy, a nie źjaŭlajucca imhniennaj niedarečnaściu. Sapraŭdnyja žadańni — heta tyja, jakija vychodziać z samaha serca.
Usio, što nas akružaje, možna źmianić u luby momant času. Dastatkova zamianić pierakanańnie «Ja nie mahu» na pierakanańnie «Ja mahu».
Pazbaŭciesia ad strachaŭ. Adna z hałoŭnych pryčyn, čamu žadańni nie vykonvajucca, — heta strachi. Strachi ŭźnikajuć tady, kali my ŭ hłybini dušy adčuvajem siabie nie vartymi našych žadańniaŭ. My nieśviadoma baimsia, što žadanaje moža abiarnucca niečym drennym. Novyja adnosiny prymusiać źmianić ład žyćcia, a vialikija hrošy, mahčyma, pryniasuć niepryjemnaści. Zapišycie, jakija strachi vam ułaścivyja. Nie saromiejciesia pryznacca samomu sabie ŭ svaich strachach, nie bojciesia napisać bolš, čym jość nasamreč. Mocny čałaviek — nie toj, chto ničoha nie baicca, a toj, chto pieramoh svoj strach! Ci vy kirujecie stracham, ci strach kantraluje vaša žyćcio.
Vizualizujcie svaju maru. Vizualizacyja — stvareńnie razumovaha vobraza mety. Vy ŭjaŭlajecie, čaho chočacie dabicca i jak budziecie heta rabić. Samaje važnaje ŭ vizualizacyi — praces. Ujavicie z maksimalnaj kolkaściu padrabiaznaściaŭ i detalaŭ, što vaša žadańnie ci mara ŭžo ździejśniłasia. Zasiarodžvajciesia na hetym jak maha čaściej — niekalki razoŭ na dzień. Nadzialicie ŭjaŭleńnie stanoŭčaj enierhijaj. «U mianie jość vialiki dom, i ja z zadavalnieńniem prymaju ŭ im haściej». Adnak, kali vy ŭjaŭlajecie žyćcio ŭ hetym domie, ale nie dumajecie pra toje, jak na jaho zarabić, mara tak i zastaniecca maraj.
Čym bolš žadańniaŭ, tym bolš enierhii dla ich realizacyi. Ale, kali lažać na kanapie, mary, viadoma, nie ažyćciaviacca. Važna: treba nie prosta maryć, a maryć mieć i dziejničać. Kali vy budziecie stavić mety, znachodzić mahčymaści dla ich realizacyi, to Suśviet budzie stvarać umovy, kab vašy žadańni ździajśnialisia, a mety realizoŭvalisia.
Kamientary