Śledčy kamitet paviedamiŭ, što 5 studzienia na terytoryi kompleksu «Minsk Śviet» z vyšyni čaćviortaha paviercha ŭpaŭ mular. Jon atrymaŭ surjoznyja traŭmy, i vyratavać jaho nie ŭdałosia.
Śledčyja vyśvietlili, što 31-hadovy rabočy znachodziŭsia ŭ nieaharodžanym miescy la kraju manalitnaj plity biez achoŭnaha pojasa.
Heta daloka nie pieršy vypadak śmierci padčas budaŭnictva kompleksu «Minsk Śviet». Letaś na hetym abjekcie byli zafiksavanyja čatyry vypadki traŭmatyzmu, try ź ich — sa śmiarotnym zychodam. U 2021-m hodzie niaščasnych vypadkaŭ było taksama čatyry, dva ź ich skončylisia śmiarciami.
Pieradapošni trahičny incydent adbyŭsia ŭ listapadzie. Z vyšyni 17-ha paviercha na 35-hadovaha armaturščyka ŭpała mietaličnaja stojka. Mužčyna atrymaŭ surjoznyja traŭmy i pamior da pryjezdu mašyny chutkaj dapamohi.
Kamientary