Ukrainski kot Ściapan trapiŭ na vokładku časopisa Times Monaco
Kot Ściapan z ukrainskaha Charkava, viadomy dziakujučy błohu z 1,3 młn padpisantaŭ, trapiŭ na vokładku časopisa Times Manaka, piša «Ukrainskaja praŭda». I heta nievypadkova.
U sakaviku 2022 hoda kata, jaki ŭžo tady byŭ zorkaj internetu, vyvieźli z Charkava ŭ Manaka. U hety čas jaho błoh nie abnaŭlaŭsia. Tolki paśla haspadynia kata Hanna paviedamiła, što jany sa Ściapanam u biaśpiecy i znajšli prytułak u Jeŭropie.
«Doŭhim i składanym byŭ dla nas šlach z Charkava, jaki pastajanna ciarpieŭ rakietnyja abstreły. Manaka było pieršym miescam u Jeŭropie, kudy my dabralisia i dzie znajšli prytułak. My žyli tam dva miesiacy i atrymali vialikuju dapamohu, padtrymku i kłopat ad miascovych žycharoŭ. I my ščyra ŭdziačnyja za našu biaśpieku», — kaža haspadynia kata Ściapana.
Pavodle jaje słoŭ, pryhožaja pryroda i dobraje staŭleńnie ludziej dapamahli siamji akryjać ad žachaŭ vajny.
Kot Ściapan i jahonaja haspadynia sabrali tysiačy jeŭra dla dapamohi žyviołam, jakija paciarpieli ad vajny.
Nie tak daŭno kot viartaŭsia ŭ rodny Charkaŭ, na jaho staroncy byli apublikavanyja fota na fonie abstralanych damoŭ. Zatym siamja pierajechała ŭ Lvoŭ.
Taksama ŭ Ściapana źjaviłasia siabroŭka — koška Stefanija, ź jakoj jon ciapier žyvie razam.
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary