Pra toje, što ZŠA pryznajuć PVK «Vahnier» mižnarodnaj złačynnaj arhanizacyjaj, siońnia na bryfinhu zajaviŭ daradca pa nacyjanalnaj biaśpiecy ZŠA Džon Kirbi.
Pra takija płany raniej pisali amierykanskija ŚMI sa spasyłkaj na Minfin ZŠA, jaki viadzie sankcyjnyja rejestry.
Adpaviednyja novamu statusu sankcyi suprać PVK «Vahnier» amierykancy źbirajucca ŭvieści ŭžo na nastupnym tydni.
«U adpaviednaści z hetym vyznačeńniem, na nastupnym tydni my taksama ŭviadziom dadatkovyja sankcyi suprać «Vahniera» i sietki jaho padtrymki na niekalkich kantynientach.
Hetyja dziejańni pryznajuć transkantynientalnuju pahrozu, jakuju ŭjaŭlaje «Vahnier», u tym liku z-za jaho pastajannaj surjoznaj złačynnaj dziejnaści», — havorycca ŭ paviedamleńni.
Zhodna z ukazam prezidenta ZŠA Džo Bajdena, pryznańnie PVK «Vahnier» transnacyjanalnaj złačynnaj arhanizacyjaj praduhledžvaje zamarožvańnie lubych aktyvaŭ u ZŠA i zabaronu dla amierykancaŭ davać srodki, tavary ci pasłuhi dla hetaj PVK.
«Hetymi i inšymi dziejańniami my chočam źviarnucca da luboj kampanii, jakaja razhladaje mahčymaść akazańnia padtrymki «Vahnieru», z nastupnym pasyłam:
«Vahnier» — heta złačynnaja arhanizacyja, jakaja ździajśniaje šyrokamaštabnyja źvierstvy i parušeńni pravoŭ čałavieka, i my budziem niastomna pracavać nad tym, kab identyfikavać, padarvać, vykryć i pieraśledvać tych, chto dapamahaje «Vahnieru», — padkreślivajecca ŭ paviedamleńni.
Stvaralnik PVK «Vahnier» Jaŭhien Pryhožyn prakamientavaŭ rašeńnie amierykanskich uładaŭ u svaim styli:
«Narešcie — ciapier PVK «Vahnier» i amierykancy — kalehi. Našy ŭzajemaadnosiny z hetaha času možna nazyvać «razborkaj złačynnych kłanaŭ».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary