CMI: Taktyka PVK «Vahnier» biaźlitasnaja, ale najbolš efiektyŭnaja dla sučasnaha rasijskaha vojska
PVK «Vahnier» składaje pahrozu dla ŭkrainskich sałdat u blizkim bai i nie ličycca sa svaimi vialikimi ludskimi stratami. Pra heta stała viadoma sa spravazdačy vajskovaj vyviedki Ukrainy, da jakoj atrymaŭ dostup CNN.
Spravazdača była składziena jašče ŭ śniežni 2022 hoda i źmiaščaje źviestki ab bajavoj taktycy rasijskich najmitaŭ pad ukrainskim Bachmutam.
Nižej pryvodzim karotkaje apisańnie spravazdačy:
- PVK nastupaje mabilnymi hrupami kolkaściu kala 12 čałaviek, jakija vykarystoŭvajuć reaktyŭnyja hranatamioty i drony dla vyviedki.
- U pieršaj chvali šturmu iduć zavierbavanyja asudžanyja, jakija niasuć vializarnyja straty — kala 80% nie vyžyvajuć. Zatym užo iduć bolš daśviedčanyja bajcy.
- Najmity PVK «Vahnier» nie adstupajuć biez kamandy: za heta im pahražaje rasstreł. Paranienyja bajcy niaredka zastajucca na pole boju na niekalki hadzin biez mahčymaści vyratavacca.
- Šturmavoj piachocie nie dazvalajecca samastojna vynosić paranienych z pola boju, bo ich asnoŭnaja zadača — praciahvać šturm da dasiahnieńnia mety. Kali šturm nie atrymaŭsia, adstupleńnie dazvalajecca tolki ŭnačy.
- Taktyka PVK «Vahnier», niahledziačy na vialikija achviary, źjaŭlajecca najbolš efiektyŭnym mietadam viadzieńnia boju z vykarystańniem drenna navučanych mabilizavanych sałdat.
- Dla dasiahnieńnia takoha ž vyniku armii RF budzie nieabchodna prytrymlivacca taktyki najmitaŭ i zrabić upor na małyja šturmavyja padraździaleńni zamiest bataljonnych taktyčnych hrup.
Nahadajem, što rasijskaja armija jašče ź lipienia 2022 hoda biespaśpiachova sprabuje zachapić ukrainski horad Bachmut. Dla hetaha Rasija z-za vialikich strat vykarystoŭvaje ŭ tym liku najmitaŭ z PVK «Vahnier», jakija ŭ jakaści asnoŭnaj udarnaj siły vykarystoŭvajuć rasijskich źniavolenych.
Niadaŭna ZŠA zajavili, što nieŭzabavie aficyjna pryznajuć PVK «Vahnier» mižnarodnaj złačynnaj arhanizacyjaj.
Čytajcie jašče:
Zialenski prakamientavaŭ zajavu Łukašenki pra «pakt ab nienapadzieńni»
Rasija vysyłaje estonskaha ambasadara z krainy
Ukrainski hienštab uskosna paćvierdziŭ paŭakružeńnie Bachmuta
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary