Nataŭski hienierał Petr Paveł pieramoh na vybarach prezidenta Čechii
U Čechii zaviaršyłasia hałasavańnie ŭ druhim tury prezidenckich vybaraŭ. Idzie padlik hałasoŭ. Jaŭka, pavodle papiarednich źviestak, skłała amal 70%, paviedamlaje «Svaboda».
Na pasadu kiraŭnika dziaržavy pretendavali hienierał u adstaŭcy Petr Paveł i były premjer-ministr Čechii, miljarder Andrej Babiš.
Pa vynikach padliku bolš za 90% hałasoŭ Paveł nabiraje kala 57%, Babiš — kala 43%. Jon atrymaŭ bolšaść hałasoŭ u pramysłovych rehijonach Čechii.
Miarkujučy pa ŭsim, skaracić razryŭ Babišu ŭžo nie ŭdasca. Premjer-ministr Petr Fijała ŭžo pavinšavaŭ Petra Paveła ź pieramohaj. Ustupleńnie na pasadu novaha prezidenta adbudziecca 8 sakavika paśla inaŭhuracyi.
Pieramožca źmienić na Pražskim Hradzie Miłaša Zemana. Jaho doŭhi čas ličyli adnym z najbolš prarasijskich kiraŭnikoŭ krain ES, ale paśla 24 lutaha Zeman rezka ŭzmacniŭ žorstkaść svajoj pazicyi ŭ dačynieńni da Maskvy.
Petr Paveł — kadravy vajskoviec, pieršy ŭ historyi Čechii i krain byłoha savieckaha błoku kiraŭnik Vajskovaha kamiteta NATO (u 2015-2018 hadach). Zajmaje žorstkuju pazicyju ŭ dačynieńni da rasijskaha napadu na Ukrainu, vystupaje za zachodniuju aryjentacyju Čechii, pry hetym apieluje i da patryjatyčnych pačućciaŭ.
Andrej Babiš — były premjer-ministr, ciapier lidar najbujniejšaj apazicyjnaj partyi, miljarder. Niezadoŭha da vybaraŭ sud apraŭdaŭ jaho ŭ spravie ab machlarstvie z datacyjami ES. Jadro vybarcaŭ Babiša — piensijaniery i ludzi ź nievysokimi dachodami.
Pieršy tur vybaraŭ prezidenta Čechii adbyŭsia 13 i 14 studzienia. Tady ni Paveł, ni Babiš nie nabrali bolš za pałovu hałasoŭ vybarščykaŭ.
Čechija — parłamienckaja respublika, ale fihura prezidenta ŭ krainie tradycyjna karystajecca pavahaj i vialikim upłyvam.
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»14
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3535
Kamientary
Jeho izbrali Hraždanie Čiešskoj riespubliki.
cikava, za kaho Satan prahałasavaŭ?