Prapahandysty prapanujuć uklučyć u kamisiju Švieda psichołaha — kab aceńvaŭ ščyraść pakajańnia
U tok-šou na STB abmierkavali, što rabić z tymi, chto źjechaŭ ź Biełarusi praz palityčny pieraśled. «Možna pakajacca, ale ci budzie heta ščyra?» — razvažali prapahandysty.
Siarod prapanoŭ prahučała ŭklučyć psichołaha ŭ kamisiju z prakuroraŭ, jakija buduć vyrašać, ci moža čałaviek spakojna viarnucca.
«Vielmi vialikaja karyść budzie, kali ŭ kamisii budzie śpiecyjalist, jaki budzie aceńvać psichałahičny stan čałavieka, jaki pryjšoŭ pakajacca. Bo nie ŭsie buduć rabić heta ščyra — aby ich pryniali», — prapanavała psichołah Anžalika Safonava.
«Darečy, chaču skazać, što nie va ŭsich krainach u takich vypadkach byŭ by taki pryvilej — viarnucca. Pry takich umovach, pry takoj dziejnaści, jakuju vybrali tut ludzi. Chtości ŭciok sapraŭdy pa surjoznych pryčynach, chtości prosta pamyliŭsia», — dadała jana.
Anžalika Safonava — časty hość prapahandysckich telepieradač.
Švied supakojvaje: Kali kamisija pryznaje, što da čałavieka pretenzij niama, to niešta suprać jaho rabić možna tolki sa zhody hienprakurora
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary