Patryjarch Kirył zabaraniŭ słužyć śviataru, jaki zamiest pieramohi maliŭsia za mir
Patryjarch Maskoŭski i ŭsiaje Rusi Kirył svaim ukazam zabaraniŭ udzieł u carkoŭnym słužeńni maskoŭskaha śviatara Iaana Kovala. Padstavaj dla takoha rašeńnia stała toje, što śviatar u adnoj z malitvaŭ zamianiŭ słova «pieramoha» na słova «mir». Ukaz patryjarcha raźmieščany 3 lutaha na sajcie Maskoŭskaj jeparchii.
Pavodle infarmacyi vydańnia «Padjom», ijerej Iaan Koval zamiest frazy «Vozstani, Božie, v pomoŝ ludiem Tvoim i podažd́ nam siłoju Tvojeiu pobiedu» skazaŭ krychu pierajnačany tekst: «Vozstani, Božie, v pomoŝ ludiem Tvoim i podažd́ nam siłoju Tvojeiu mir».
Samu «malitvu ab śviatoj Rusi» RPC raniej raspaŭsiudziła pa ŭsich pravasłaŭnych chramach «dla abaviazkovaha čytańnia».
Śviatar Koval pryznany vinavatym u «samačyńni» (samaŭpraŭstvie). Jamu zabaroniena vieści słužby «da zakančeńnia razhladu jaho spravy ŭ dyscyplinarnaj kamisii pry jeparchijalnaj radzie horada Maskva».
Patryjarch Kirył z samaha pačatku rasijskaj ahresii va Ukrainie zaniaŭ pazicyju absalutnaj padtrymki ŭsich dziejańniaŭ rasijskich uład.
Čytajcie taksama:
Patryjarch Kirył prapanavaŭ śviataram i viernikam dva dni malicca za Pucina
Patryjarch Kirył paraŭnaŭ rasijskich vajskoŭcaŭ sa śviatymi padźvižnikami
Ukrainski jepiskap — patryjarchu Kiryłu: Vy adkažacie pierad Boham za kožnuju ślazinku matčynu, za kožnuju śviežuju mahiłku
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary