Kitajski spadarožnik, imavierna, zrabiŭ sieryju łaziernych strełaŭ nad Havajami
Incydent zafiksavaŭ japonski teleskop.
Unačy 28 studzienia ŭ niebie nad Havajami (ZŠA) adbyłasia sieryja łaziernych strełaŭ. Pra heta 9 studzienia paviedamiła vydańnie ScienceAlert sa spasyłkaj na infarmacyju Nacyjanalnaj astranamičnaj absiervatoryi Japonii (NAOJ).
Hetaja scena była zafiksavanaja dziakujučy ich teleskopu Subaru, jaki znachodzicca na viaršyni havajskaj hary Mauna-Kiea.
Jašče ŭ samym pačatku NAOJ ličyła, što łaziery zychodzili ad radyjołakacyjnaha spadarožnika NASA ICESat-2, jaki vykarystoŭvajecca dla nazirańnia za taŭščynioj ziamnoha akijaničnaha lodu i lasoŭ. Adnak užo 6 lutaha NAOJ atrymała bolš detalovuju infarmacyju ab incydencie i pryjšła da vysnovy, što spadarožnik kitajski.
«Pa słovach NASA, heta nie ich pryłada. Ahienctva praanalizavała ruch łaziera i zmadelavała trajektoryju spadarožnikaŭ, jakija zdolnyja ich vypuskać, dziakujučy čamu vyznačyła, što krynicaj łazieraŭ źjaŭlajecca kitajski spadarožnik Daqi-1/AEMS», — piša hazieta.
Paviedamlajecca, što Daqi-1 byŭ zapuščany ŭ krasaviku minułaha hoda dla manitorynhu ŭzroŭniu vuhlarodu i zabrudžvańnia atmaśfiery Ziamli. Robić jon heta pry dapamozie instrumienta ACDL — łazieraŭ, jakija mohuć vyjaŭlać aerazoli i vuhlakisły haz. Ličycca, što mienavita hetyja łaziery naziralisia ŭ pavietranaj prastory nad Havajami.
Pry hetym užo šmat hadoŭ Kitaj taksama zajmajecca raspracoŭkaj roznych vidaŭ zbroi nakiravanaj enierhii (DEW), jak spadarožnikavyja łaziernyja sistemy, elektramahnitnyja rejkatrony i mikrachvalevyja ŭstanoŭki.
Jak i ŭ vypadku ź niadaŭnim inicydentam z kitajskim aerastatam-špijonam, amierykanskija ŭłady taksama zaklikali hramadzian nie chvalavacca z-za spadarožnika nad Havajami.
Čytajcie jašče:
Amierykancy pakazali, jak łoviać u mory reštki kitajskaha aerastata FOTA
«Jak tabie takoje, Iłan Mask?»: u sistemy Starlink chutka źjavicca novy kankurent
Nazvanyja piać krain, zdolnych pieražyć jadziernuju zimu
Ciapier čytajuć
Stała viadomaja pryčyna chvali pieratrusaŭ u ahienctvach nieruchomaści1
Kamientary