Prajektnuju dekłaracyju na budaŭnictva adklikali. Na kvatery ŭ płanavanym masivie «adsutničaje popyt», a prajekt «niemahčyma realizavać», piša «Novy čas» na padstavie paviedamleńniaŭ dziaržaŭnaj presy.
Z 2020 hoda za «Ekspabiełam» u rajonie trasy na Łahojsk uzvodzicca žyły kompleks ad MAPIDa. Ceny na kvatery ŭ małapaviarchovym kompleksie z zakrytymi dvarami zabudoŭščyk nazvaŭ tolki letam minułaha hoda. Mnohim tady jany padalisia vysokimi.
Z taho času pra kompleks kala viadomaha savieckimi rasstrełami ŭročyšča Kurapaty ničoha nie było čuvać, a ciapier u haziecie «Źviazda» źjaviłasia abjava, jakaja tyčycca prajekta.
U apublikavanym paviedamleńni havorycca, što
AAT «MAPID» adklikaje prajektnuju dekłaracyju ab prajekcie budaŭnictva abjekta «Žyły mikrarajon u rajonie pasiołka Soniečny Minskaha rajona» (pavodle Hienpłana) za 27 žniŭnia 2022 hoda z pryčyny adsutnaści popytu na hety abjekt i niemahčymaściu jaje realizacyi.
«Soniečny» — žyły prajekt «Mapida». Kompleks budujuć na ŭčastku kala 22 ha ŭ adnajmiennym pasiołku za «Ekspabiełam». Pa prajekcie tut pavinien źjavicca ceły rajon, jaki składajecca sa šmatkvaternych damoŭ, taŭnchausaŭ i katedžaŭ. Usio žyllo ŭ kvartale pavinna było być panelnym — sa zbornaha žalezabietonu.
Prezientujučy prajekt, u «Mapidzie» zajavili, što damy musili być pasadžanyja na styłabat i źbiracca, jak kanstruktar, na šrubavych złučeńniach biez zvarki.
Pieršaj u 2020 hodzie startavała budoŭla siamipaviarchovikaŭ. Praz pytańni z elektrazabieśpiačeńniem (novy kvartał pavinien być całkam elektryčnym) raboty na niekatory čas prypynialisia, adnak zatym budaŭnictva adnavili.
U pieršym domie prajekta, jaki składajecca ź siami pavierchaŭ i 78 kvater, zabudoŭščyk prapanavaŭ 39 kvater. Košt «kvadrata» ŭ admienienaj užo dekłaracyi składaŭ 3980 rubloŭ (kala 1560 dalaraŭ). U canu ŭvachodziŭ taksama parkinh.
Taksama ŭ prajekt uvachodziła budaŭnictva pačatkovaj škoły i dziciačaha sada.
Zaviaršyć pieršy žyły dom pavinny byli ŭ sakaviku sioleta. Uvieś kompleks płanavali zdać u ekspłuatacyju ciaham 5-6 hadoŭ. Ale ciapier, jak vyhladaje, prajekt pakłali ŭ šufladu.
Pakul nieviadoma, ci moža heta być niejak źviazana z aryštam hienieralnaha dyrektara «Mapida» Mikałaja Miłašeŭskaha, infarmacyja pra jaki źjaviłasia siońnia.
Čytajcie taksama:
Zatrymany hiendyrektar «Mapida». Imavierna, pa spravie byłoha namieśnika staršyni Minharvykankama
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary