Каранавірус — усё. Мінздароўя выключыла кавід са спіса хвароб, якія ўяўляюць небяспеку для насельніцтва
Міністэрства аховы здароўя пастановай №25 ад 3 лютага змяніла пералік захворванняў, якія ўяўляюць небяспеку для здароўя насельніцтва. Дакумент сёння афіцыйна апублікаваны на Нацыянальным прававым інтэрнэт-партале і ўступае ў сілу пасля апублікавання, звярнуў увагу Reform.by.
«Пункты 1 і 7 дадатку да пастановы Міністэрства аховы здароўя Рэспублікі Беларусь ад 15 чэрвеня 2012 г. № 75 «Аб устанаўленні пераліку захворванняў, якія ўяўляюць небяспеку для здароўя насельніцтва» выключыць», — гаворыцца ў дакуменце.
Пад пунктам 1 у пераліку значацца пранцы і ганарэя, а пад пунктам 7 — інфекцыя, выкліканая каранавірусам COVID-19.
COVID-19 быў дададзены ў гэты пералік у пачатку 2020 года. Наяўнасць захворвання ў гэтым пераліку дазваляе праводзіць прымусовы абавязковы медыцынскі агляд у выпадку адмовы чалавека ад яго, калі ёсць дастатковыя падставы меркаваць, што ў асобы ёсць такое захворванне. Таксама дапускаецца прымусовая шпіталізацыя і лячэнне пры наяўнасці ў чалавека захворвання з пераліку. На днях Міністэрства аховы здароўя паведамляла, што поўны курс вакцынацыі ад COVID-19 прайшлі 71,1% насельніцтва Беларусі, а першую бустарную дозу атрымалі 87,5% тых, хто прайшоў вакцынацыю.
Такім чынам, у пераліку захворванняў, якія ўяўляюць небяспеку для здароўя насельніцтва, застаюцца наступныя:
— актыўныя сухоты органаў дыхання;
— чума;
— халера;
— сібірская язва;
— гемарагічныя ліхаманкі Ласа, Марбург, Эбола.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары