U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
Padčas pasiadžeńnia Parłamienckaj asamblei ABSIE rasijskaj delehacyi i delehacyi ad režymu Łukašenki demanstratyŭna vydzielili miescy ŭ apošnim šerahu, choć zvyčajna pry rassadcy dziejničaje ałfavitny paradak. Pra heta paviedamiŭ Ofis Śviatłany Cichanoŭskaj, delehacyja ad jakoha taksama hetymi dniami prysutnaja ŭ Vienie.
U zale ŭ pieršy, ustupny dzień pasiadžeńnia byli nie ŭsie delehacyi, a tolki častka — tyja, chto musiŭ brać udzieł u mierapryjemstvach mienavita hetaha dnia.
Padčas vystupu rasijskaj delehacyi ŭ kancy siesii bolšaja častka prysutnych pakinuła zału ŭ znak pratestu. Heta byli ŭdzielniki delehacyj demakratyčnych krain. Kiraŭnik delehacyi ad Łukašenki Andrej Savinych atrymaŭ słova ŭžo paśla taho, kali ŭ zale nie zastałosia amal nikoha.
U svajoj pramovie Savinych paŭtaryŭ zvyčajnyja dla rasijskaj i aficyjoznaj biełaruskaj prapahandy chłuślivyja tezisy pra adkaznaść NATA za vajnu va Ukrainie, apielavaŭ da Chielsinkskaha dakumienta, jaki nibyta Biełaruś i Rasija vykonvajuć, a zachodnija krainy — nie, i pužaŭ tym, što paśla vyklučeńnia z ABSIE Rasii i łukašenkaŭskaj Biełarusi isnavańnie hetaj arhanizacyi stracić sens.
Inšy pradstaŭnik łukašystaŭ, deputat PP NS Siarhiej Račkoŭ, narakaŭ na toje, što: «Vystupleńni dakładčykaŭ i nacyjanalnych parłamienckich delehacyj krain Zachadu nosiać adnabakovy antyrasijski charaktar. Parłamientaryi hetych krain nie robiać krokaŭ pa ŭstalavańni abjektyŭnaha prafiesijnaha dyjałohu pa pytańni situacyi va Ukrainie».
U toj ža čas Śviatłana Cichanoŭskaja siońnia pramaŭlała pierad delehatami Parłamienckaj asamblei, jakija sabralisia na śpiecyjalnyja debaty, pryśviečanyja pravam čałavieka ŭ Biełarusi. Jany adbylisia ŭ Chofburhskim pałacy adrazu paśla plenarnaj siesii. Udzieł u hetym mierapryjemstvie brali 70 delehacyj, suarhanizatarami vystupili Šviecyja i ZŠA.
Čytajcie taksama:
U ABSIE łatvijski delehat pasłaŭ rasijskuju delehacyju za «rasijskim vajskovym karablom»
«U sankcyj nie musić być ščylin». Cichanoŭskaja prapanavała ES stvaryć adpaviednuju pracoŭnuju hrupu
Łukašenkaŭskim deputatam vydali vizy dla ŭdziełu ŭ pasiadžeńni ABSIE ŭ Vienie
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju4
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski55
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski5
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary