«U sankcyj nie musić być ščylin». Cichanoŭskaja prapanavała ES stvaryć adpaviednuju pracoŭnuju hrupu
Śviatłana Cichanoŭskaja vykazała prapanovu Jeŭrasajuzu stvaryć pracoŭnuju hrupu dla kantrolu za vykanańniem sankcyj na siońniašnim plenarnym pasiadžeńni Jeŭrapiejskaha sacyjalna-ekanamičnaha kamiteta (JEESK) u Brusieli, paviedamlaje «Pozirk».
«U sankcyj suprać režymu nie musić być ščylin», — upeŭnienaja Cichanoŭskaja.
Jana nahadała, jak pradstaŭniki inicyjatyvy «Rabočy ruch» i inšyja aktyvisty nie dazvolili pierasiačy miažu furam z uhnajeńniami «Hrodna Azot». Hetaja dziaržaŭnaja kampanija, udakładniła Cichanoŭskaja, «praciahvaje ekspartavać pradukcyju ŭ ES, niahledziačy na sankcyi». Dziakujučy hetamu, režym atrymlivaje «kryvavyja hrošy».
Cichanoŭskaja zaklikała JESEK padtrymać prymianieńnie ŭ dačynieńni da aficyjnaha Minska 33-ha artykuła statuta Mižnarodnaj arhanizacyi pracy (MAP) praz «represii ŭ dačynieńni da pracoŭnych».
«Dapamažycie nam uzmacnić cisk na Łukašenku. Jaho režym pahražaje nie tolki biełarusam, ale i našym susiedziam», — skazała jana.
Jeŭrapiejski sacyjalna-ekanamičny kamitet — heta kansultatyŭny orhan Jeŭrasajuza, u jaki ŭvachodzić 329 pradstaŭnikoŭ z roznych krain.
Čytajcie taksama:
Biełaruski ściah padčas vystupu Śviatłany Cichanoŭskaj u Brusieli FOTA
Łukašenkaŭskim deputatam vydali vizy dla ŭdziełu ŭ pasiadžeńni ABSIE ŭ Vienie
Franak Viačorka: Vajna nie skončycca, pakul nie skončycca hibrydnaja akupacyja Biełarusi
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary