У Гродне быў забіты чалавек з падробным расійскім пашпартам — дзяржСМІ
Паводле прапагандыстаў, мужчына меў фальшывы расійскі пашпарт на імя Ламакіна Аляксея 81 года нараджэння. Ці гэта сапраўдная яго нацыянальнасць, невядома.
На Ламакіна спецслужбы нібыта выйшлі па аператыўнай інфармацыі — у лютым КДБ атрымаў звесткі аб намерах «збеглых экстрэмістаў» пераправіць з Польшчы ў Беларусь аднаго са сваіх прыхільнікаў.
У поле зроку КДБ трапіў чалавек з расійскім пашпартам: Ламакін Аляксей Мікалаевіч, 1981 года нараджэння. Пазней нібыта высветліцца, што дакументы — падробленыя.
Пры затрыманні ён, паводле афіцыйнай версіі, адкрыў агонь з аўтамата Калашнікава, кінуў гранаты і быў паранены.
Па дарозе ў бальніцу, паводле версіі сілавікоў, ён памёр.
Паводле АТН, Ламакін рабіў «даразведку» месцаў «верагодных тэрактаў». Гэта будынкі КДБ і УУС Гродзенскай вобласці, месцы жыхарства сілавікоў, чыгуначны вакзал, прамысловыя абʼекты. У яго быў доступ да 5 кг выбухоўкі, сказала вядоўца праграмы.
Улады толькі на трэці дзень назвалі нацыянальнасць забітага кадэбэшнікамі іншаземца. Лукашэнка на нарадзе сёння назваў аперацыю «бліскучай».
Чытайце таксама: Кадэбісты застрэлілі грамадзяніна адной з краін ЕС? З чым звязаны рэжым маўчання пра стральбу ў Гродне
-
«Беларусь — найлепшая краіна. Але трэба падрыхтавацца». Мужчына чысціў тэлефон, але яго з сям'ёй усё роўна затрымалі на мяжы
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары