Mierkavańni55

«Łukašenka raźličvaje nie na dyjałoh — jon patrabuje pryznańnia». Dyskusija pa matyvach lista Siaredziča

Adkryty list hałoŭnaha redaktara «Narodnaj Voli» Iosifa Siaredziča pra važnaść nacyjanalnaha prymireńnia vyklikaŭ šmat abmierkavańniaŭ.

«Dyk što ž rabić, kab taki horki los nie napatkaŭ kroŭnuju Biełaruś? Kab my, biełarusy, nie stracili svaju niezaležnaść, svoj suvierenitet, kab my ŭ čarhovy raz nie stali «sieviero-zapadnym krajem? — zadajecca ŭ liście pytańniem Iosif Siaredzič. — Adkaz na hetyja chvalujučyja pytańni adzin: biez nacyjanalnaha prymireńnia nie zachavać nam niezaležnaść Biełarusi! A značyć, biez zhurtavanaści ŭsich-usich — i pravych, i levych, i kansiervataraŭ i libierałaŭ, i prazachodnikaŭ i praŭschodnikaŭ — nie mieć nam ščaślivaj budučyni na rodnaj ziamli». 

Adkryty list sparadziŭ pytańni. Chto z kim musić prymirycca? Na jakich umovach takoje mahčyma i ci hatovyja baki? «Naša Niva» sabrała niekatoryja mierkavańni. 

Niezaležnaść jadnaje biełarusaŭ, a nie raźjadnoŭvaje

Siaredzič nie pieršy padniaŭ pytańnie pra nieabchodnaść dyjałohu: pra pieramovy pieryjadyčna kažuć i pradstaŭniki demakratyčnych siłaŭ. 

Sacyjołah Hienadź Koršunaŭ, jaki z 2018 pa 2020 hady ŭznačalvaŭ Instytut sacyjałohii NAN Biełarusi, adznačaje, što imknieńnie zachavać niezaležnaść krainy jadnaje raskołataje hramadstva:

«Niezaležnaść Biełarusi, jaje suvierenitet — sapraŭdnaja kaštoŭnaść (pra heta kažuć sacyjałahičnyja daśledavańni), jakaja nasamreč jadnaje i prychilnikaŭ ułady, i prychilnikaŭ demakratyčnych siłaŭ, tych, chto vyjšaŭ na pratesty 2020-ha hoda». 

Nie treba abjadnoŭvać hramadskija i palityčnyja siły, dla jakich niezaležnaść krainy — vyšejšaja kaštoŭnaść, razvažaje Koršunaŭ. Hałoŭnaj pahrozaj dla niezaležnaści krainy jon ličyć samoha Łukašenku:

«Jon pastupova zdaje častki suvierenitetu na karyść Rasii», — adznačaje Hienadź Koršunaŭ.

Były kiraŭnik prafsajuza REP Vasil Zavadski taksama kateharyčna nie zhodny z pazicyjaj, što Łukašenka siońnia źjaŭlajecca adzinym harantam niezaležnaści krainy i dziela niezaležnaści treba «pieraharnuć staronku», to-bok zabycca na padziei paśla 2020 hoda.

Jakoje prymireńnie patrebnaje biełaruskamu hramadstvu?

Dyjałoh moža adbyvacca pamiž dvuma bakami, jakija vyznajuć subjektnaść adzin adnaho, padkreślivaje Koršunaŭ.

«Hałoŭnaja zahana pazicyi Łukašenki ŭ tym, što jon nikoha, akramia siabie, u jakaści subjekta, jaki moža razmaŭlać pra Biełaruś, nie razhladaje. Adzinaja pazicyja, jakaja dobra čytajecca va ŭsich jaho pasłańniach: jon raźličvaje nie na dyjałoh, jon vysoŭvaje patrabavańni pra pakajańnie», — adznačaje Hienadź Koršunaŭ.

Eks-kiraŭnik REP ličyć, što nielha ŭvohule vykarystoŭvać katehoryju «prymireńnie», kab kazać pra ciapierašniaje hramadstva:

«Absalutnaja bolšaść hramadstva adzinaja ŭ svaich pamknieńniach i žadańniach. Biezumoŭna, jość častka ludziej, jakija ličać kiraŭnictvam krainy ludziej, što siłaj zachapili ŭładu i pa fakcie kirujuć. Ale ŭ hramadstvie niama radykalnaha raskołu (skažam, 55 na 45 adsotkaŭ), kab razvažać katehoryjami prymireńnia», — miarkuje Vasil Zavadski.

Pohlad na prablemu zaležyć ad taho, jaki sens zakładvajecca ŭ paniaćcie prymireńnie. 

«Najpierš adznaču, što dla prymireńnia patrebnyja dva baki, jakich ja asabista nie baču: kamu z kim treba zamirycca? Zhadzicca z tym, što adzin i toj ža čałaviek niezakonna kiruje krainaj? Zamirycca z tymi, chto zabivaŭ i katavaŭ ludziej, chto pieratvaryŭ žyćcio biełarusaŭ u sucelnuju palityčnuju miasarubku? Tak, daravańnie budzie, heta i pa-čałaviečy, i pa-chryścijansku. Biezumoŭna, my darujem, ale paśla taho, jak jany pakajucca i paniasuć pakarańnie pa zakonie. Jak ja kazaŭ, jość častka ludziej, jakija prymajuć toj fakt, što krainaj kirujuć ludzi, što siłaj zachapili ŭładu. Ź imi treba mirycca, i heta całkam narmalny praces — žyć sumiesna ŭ adnym hramadstvie ludziam, jakija majuć roznyja pohlady», — razvažaje były lidar prafsajuza REP.

Źmicier Sałaŭjoŭ, hałoŭny redaktar telekanał «6TV Biełaruś», ličyć, što hramadstva nie hatovaje da prymireńnia biez krokaŭ nasustrač z boku ŭłady.

«A mienavita: pakarańnie tych siłavikoŭ, jakija parušali zakony, katavali ludziej. Kali režym pojdzie, chacia b častkova, na pakarańnie hetych ludziej, tady mahčymaja niejkaja razmova. Biez taho nijakaja razmova prosta niemahčymaja: jašče vielmi śviežyja i balučyja dla ludziej usie hetyja padziei», — kaža Sałaŭjoŭ.

Ci patrebnaje prymireńnie Łukašenku?

Sacyjołah Hienadź Koršunaŭ miarkuje, što Łukašenka nie robić nivodnaha kroku da nacyjanalnaha prymireńnia.

«Jamu heta nie patrebnaje, dla jaho heta pahroza. Dyjałoh — heta šlach da kampramisu, dla niejkaha ŭzhadnieńnia svaich pazicyj. Uzhadnieńnie pazicyj aznačaje, što treba pajści na sastupki, — kaža sacyjołah. — Naadvarot, usia dziejnaść Łukašenki skiravanaja na pahłybleńnie raskołu ŭ hramadstvie. Praz dehumanizacyju i demanizacyju tych, chto nie padzialaje jaho pohlady na Biełaruś i na jaje budučyniu».

Ułada saśpieje da prymireńnia tady, kali nie stanie čym płacić siłavomu błoku, miarkuje Źmicier Sałaŭjoŭ.

«Kali ekanomika Biełarusi pryjdzie ŭ poŭny zaniapad — tady niejkija kroki nasustrač mahčymyja. Ale ciapier, kali samymi ŭpłyvovymi źjaŭlajucca siłaviki, kali im treba pakazvać, što jany dla čahości patrebnyja, to naŭrad ci situacyja źmienicca», — razvažaje Źmicier Sałaŭjoŭ.

Umovy Łukašenki mohuć być nieprymalnyja dla hramadstva

Pra toje, na jakich umovach Łukašenka pajšoŭ by na prymireńnie, razvažaŭ u svaim telehram-kanale Siarhiej Navumčyk, deputat Viarchoŭnaha Savieta BSSR 12-ha sklikańnia.

«Heta, pa-pieršaje, poŭnaje pryznańnie jaho pieramohi na prezidenckich t.zv. vybarach 2020 hoda, pryčym pryznańnie publičnaje i pakajalnaje. Pryznańnie jak asnoŭnymi fihurantami tych padziej, hetak i tysiačami ich šarahovych udzielnikaŭ.

Usie, chto asudžany, pavinny buduć napisać prašeńni ab pamiłavańni z abaviazkovym pryznańniem svajoj palityčnaj pamyłki (padkreślivaju: nie tolki jurydyčnaj viny, ale i palityčnaj pamyłki).

Druhoje: usia hramadskaja aktyŭnaść pavinna iści vyklučna ŭ miežach vyznačanych uładaj formaŭ: dla moładzi — BRSM, dla starejšych — «Biełaja Ruś», i h.d. Roŭna hetak, jak i ŭ jakim-niebudź 1938 u SSSR. Nijakaj «svabodnaj presy», pra «ekstremisckija» th-kanały i kazać niama čaho.

Treciaje, vielmi važnaje: usie tyja, chto žadaje zachavać niezaležnaść, pavinny adnojčy i nazaŭsiody zrazumieć, što nijakaha inšaha kiraŭnika krainy, akramia jak čałavieka z proźviščam Łukašenka, u pryrodzie niama i być nie moža. Adpaviedna, źmirycca z tym, što ŭłada budzie pieradadzienaja Łukašenku-małodšamu (jak u Azerbajdžanie ci Siryi). A toj — svajmu synu. I hetak dalej», — piša Navumčyk.

Čaćviortym składnikam jon nazyvaje ideałahičny. Na jaho dumku, dla prymireńnia, jakim jaho bačać ułady, daviadziecca pryznać nacyjanalny bieła-čyrvona-bieły ściah i «Pahoniu» «nacysckimi», saviecki pieryjad najlepšym u historym i zabyć pra pašyreńnie vykarystańnia biełaruskaj movy.

Čytajcie taksama:

«Biez nacyjanalnaha prymireńnia nam nie zachavać niezaležnaści Biełarusi». Iosif Siaredzič vystupiŭ sa śmiełym adkrytym listom

Žychary Kukšavič vyśmiejali pradprymalnika, jaki napisaŭ zvarot Łukašenku pra darohu. Pradprymalnik: «Ziemlaki zajzdrosnyja»

«Realny šaniec zvalić Łukašenku byŭ u 96-m». Aleś Michalevič pra palityčnuju maładość, vybary, Kaardynacyjnuju radu i svaje spadziavańni

Kamientary5

  • Ala z Moła
    21.03.2023
    Aleksandr Ryhoravič - naš Prezident.
  • ×*×*×*
    21.03.2023
    Ala z Moła, vy časam nie z Ru-Moła? Tady vaš prezidzient toj, na kaho na dniach order vydali.
  • Ekselśjor
    22.03.2023
    Niachaj pryjazdžaje ŭ Haahu, suśvietnaja viadomaść, peŭnaje pryznańnie harantavanyja, zaprašajem! Znoŭ taki ŭsich jahonych pryścibajaŭ..!

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

Rasijskija prapahandysty terminova evakuirujucca z Tehierana6

«Zahruzka ŭpała, zakazaŭ mienš». Rabotnikaŭ pradpryjemstva ŭ Rečycy stali adpraŭlać u adpačynki biez apłaty4

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

Zamiest vajny słany ŭ novaj knizie Sašy Filipienki. I Maskva11

CACHAŁ zahadaŭ žycharam adnaho z rajonaŭ Tehierana evakujavacca. Zrujnujuć budynak dziaržaŭnaha telebačańnia3

ZŠA pierakidajuć na Blizki Uschod druhi avijanosiec i dziasiatki samalotaŭ8

«Pradali 1647 kupiur za 3 dni». Ažyjataž vakoł pamiatnaj banknoty Nacbanka nie ścichaje3

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić