«Dy što strašnaha? Žyvicie spakojna». Ministerstva abarony — ab raźmiaščeńni rasijskaj jadziernaj zbroi na terytoryi Biełarusi
Aficyjny Minsk tolki praz try dni paśla zajavy Uładzimira Pucina ab raźmiaščeńni na terytoryi Biełarusi rasijskaj jadziernaj zbroi paćvierdziŭ hetuju infarmacyju. Zajavu apublikavała MZS Biełarusi. Dypviedamstva adznačyła, što raźmiaščeńnie jadziernych bojezaradaŭ na terytoryi Biełarusi bieź pieradačy Minsku kantrolu za imi nijakim čynam nie supiarečać mižnarodnym damoŭlenaściam.
Biełaruski rasśledavalnicki centr datelefanavaŭsia da Ministerstva abarony Biełarusi, kab daviedacca nakont raźmiaščeńnia taktyčnaj jadziernaj zbroi na terytoryi našaj krainy.
«Usia infarmacyja ŭ srodkach masavaj infarmacyi aficyjna budzie apublikavanaja. Dy što strašnaha? Žyvicie spakojna, ničoha nie bojciesia. Što niebiaśpiečnaha?» — skazali ŭ Minabarony Biełarusi, kudy žurnalisty patelefanavali jak zaniepakojenyja hramadzianie paśla zajavy MZS.
U samim ža biełaruskim MZS abmiarkoŭvać hetaje pytańnie sa zvyčajnymi hramadzianami naohuł admovilisia.
«Hetaje pytańnie ŭ kampietencyi Minabarony, tamu, kali vy chočacie heta z kimści abmierkavać, to vam treba niepasredna ź imi razmaŭlać», — zajavili ŭ MZS.
Čytajcie jašče:
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam10
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary