Buchhałtary, matematyki i pierakładčyki buduć nie adzinymi, čyju pracu lepiej zmoža vykanać mašyna.
Zhodna z novym daśledavańniem, buchhałtary ŭvachodziać u lik prafiesij, čyja karjera bolš za ŭsio zaležyć ad mahčymaściaŭ štučnaha intelektu. Daśledčyki vyjavili, što, prynamsi, pałovu buchhałtarskich zadač možna vykanać našmat chutčej z dapamohaj novaj technałohii, piša Wall Street Journal.
Toje ž samaje datyčyć matematykaŭ, pierakładčykaŭ i piśmieńnikaŭ. Sučasny GPT vydatna spraŭlajecca z takimi vidami pracy, jak pierakład i navat litaraturnaja tvorčaść dy stvareńnie kampjutarnaha koda.
Daśledčyki miarkujuć, što bolšaść pracoŭnych miescaŭ budzie ŭ toj ci inšaj formie źmieniena z dapamohaj GPT.
Prafiesii, źviazanyja z apracoŭkaj infarmacyi, u tym liku śpiecyjalisty pa suviaziach z hramadskaściu, sudovyja reparciory i błokčejn-raspracoŭščyki, buduć vielmi zaležnyja ad źmien. Siarod prafiesij, na jakija technałohija paŭpłyvaje mienš za ŭsio, — kuchary ŭ restaracyjach, aŭtamiechaniki i śpiecyjalisty naftahazavaj haliny.
Adnak źmieny naŭrad ci buduć adbyvacca chutka.
Sapraŭdnaja prablema palahaje ŭ tym, kab kampanii, škoły i palityki dapamahali ludziam adaptavacca. Pryčym heta abydziecca niatanna: navučańnie rabotnikaŭ efiektyŭnamu ŭzajemadziejańniu z technałohijami i rearhanizacyja pracoŭnych miescaŭ mohuć kaštavać tryljony dalaraŭ.
Niahledziačy na heta, mnohija ludzi ŭžo pačali vykarystoŭvać hienieratyŭny štučny intelekt, kab pracavać chutčej, choć pracadaŭcy turbujucca pra biaśpieku i dakładnaść pracy.
Čytajcie jašče:
Pieršaja kraina śvietu ŭviała zabaronu na vykarystańnie niejrasietki ChatGPT
Skłali dla vas vialiki TOP karysnych niejrasietak na ŭsie vypadki žyćcia
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary