Siońnia pačaŭsia praces nad eks-kandydatam u prezidenty Andrejem Dźmitryjevym
Razhlad spravy prachodzić u sudzie Maskoŭskaha rajona Minska. Palityku vystaŭlena abvinavačańnie pavodle č. 1 art. 342 KK (udzieł u hrupavych dziejańniach, jakija hruba parušajuć hramadski paradak). Jamu pahražaje da čatyroch hadoŭ pazbaŭleńnia voli.
Vieści praces budzie sudździa Kaciaryna Muraška.
Pavodle abvinavačańnia, Dźmitryjeŭ z 23 žniŭnia pa 6 vieraśnia 2020 hoda «naŭmysna, znachodziačysia ŭ Minsku, pryniaŭ aktyŭny ŭdzieł u dziejańniach, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady. Pry hetym jon publična vykrykvaŭ łozunhi.
Andreja Dźmitryjeva zatrymali 11 studzienia 2023 hoda. Śledčy kamitet tady paviedamiŭ, što jon nibyta ŭdzielničaŭ u paślavybarčych akcyjach pratestu, tamu staŭ padazravanym pavodle «narodnaha», 342 artykuła Kryminalnaha kodeksa. Śledčyja zajavili, što palityk «599 razoŭ pierasiakaŭ dziaržaŭnuju miažu Biełarusi, ź ich 33 — paśla 2020 hoda. Śledstva miarkuje, što najaŭnaść kantaktaŭ u Dźmitryjeva z pradstaŭnikami Zachadu i ZŠA moža śviedčyć ab kaardynacyi jaho «palityčnaj» dziejnaści z-za miažy».
Andrej Dźmitryjeŭ — suzasnavalnik i sustaršynia abjadnańnia «Havary praŭdu». Ciaham 2021 hoda ŭ abjadnańni prajšli vobšuki, paśla čaho rachunki arhanizacyi zabłakavali. 12 žniŭnia 2021 hoda Dźmitryjeva ŭžo zatrymlivali na karotki termin, ale potym adpuścili. Pierad hetym kandydat u prezidenty Biełarusi Dźmitryjeŭ zajaŭlaŭ, što ŭ jaho adras pastupajuć šmatlikija pahrozy.
Palityk maje traich dziaciej.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha123
Kamientary